ലോകത്തെ പ്രമുഖ ബാങ്കുകളുടെ നിരയില്‍ സൗത്ത് ഇന്ത്യന്‍ ബാങ്കും
ഡിജിറ്റല്‍ ബാങ്കിങ് രംഗത്തെ മുന്‍നിരക്കാരായ സൗത്ത് ഇന്ത്യന്‍ ബാങ്ക്, മിഡില്‍ ഈസ്റ്റിലെ ഒരു പ്രമുഖ എക്‌സ്‌ചേഞ്ച് ഹൗസുമായി സഹകരിച്ച് ബ്ലോക്ക് ചെയിന്‍ ടെക്‌നോളജി ഉപയോഗിച്ച് വിദേശത്തുനിന്നും പണമയക്കാനുള്ള സംവിധാനം നടപ്പിലാക്കി. ഇതോടെ ബ്ലോക്ക് ചെയിനിലൂടെ അതിവേഗം പണമയക്കാനുള്ള അത്യാധുനിക സംവിധാനമുള്ള ലോകത്തെ പ്രമുഖ ബാങ്കുകളുടെ നിരയില്‍ സൗത്ത് ഇന്ത്യന്‍ ബാങ്കും സ്ഥാനം പിടിച്ചു.
യു.എ.ഇയില്‍ നിന്നും ഇന്ത്യയിലേക്കുള്ള ഒരു ഫോറക്‌സ് ഇടപാടിലൂടെയാണ് നൂതന സംവിധാനത്തിന് തുടക്കം കുറിച്ചത്. ട്രാന്‍സാക്ഷന്‍ പ്ലാറ്റ്‌ഫോമുകളില്‍ ബ്ലോക്ക് ചെയിന്‍ ടെക്‌നോളജി നടപ്പിലാക്കിയത് വേഗത്തിലും സുരക്ഷിതത്വത്തോടെയും പണമയക്കാനുള്ള പുതിയ ടെക്‌നോളജിയുടെ ഗുണങ്ങള്‍ ഉപഭോക്താക്കള്‍ക്ക് നല്‍കാനുള്ള പ്രതിബദ്ധതയുടെ ഭാഗമായാണ്. ഇടപാടുകാര്‍ക്ക് ആഹ്ലാദകരമായ അനുഭവം നല്‍കുന്ന ഈ സംവിധാനം ലളിതവും ഓട്ടോമേറ്റഡും സുരക്ഷിതവും വളരെ കുറഞ്ഞ ഡാറ്റാ നഷ്ടം ഉറപ്പാക്കുന്നതുമാണ്.
നിലവില്‍ ബാങ്കിന് ജി.സി.സി. രാഷ്ട്രങ്ങള്‍, സിംഗപ്പൂര്‍, ഓസ്‌ട്രേലിയ, ഹോങ്കോങ്ങ് എന്നിവിടങ്ങളിലായി നാല് ബാങ്കുകളുമായും 34 എക്‌സ്‌ചേഞ്ച് ഹൗസുകളുമായും സഹകരിച്ചുള്ള റെമിറ്റന്‍സ് സംവിധാനമുണ്ട്. ഡിജിറ്റല്‍ ബാങ്കിങ് സംവിധാനങ്ങള്‍ക്ക് ഏറെ പ്രാമുഖ്യം കല്‍പ്പിക്കുന്ന ബാങ്ക് എസ്.ഐ.ബി. മിറര്‍ പ്ലസ് എന്നു പേരായ മൊബൈല്‍ ആപ്ലിക്കേഷനും അവതരിപ്പിച്ചിട്ടുണ്ട്.
ബാങ്കിന്റെ ഇന്‍ഹൗസ് ടീം വികസിപ്പിച്ച ആപ്പില്‍ ഡിജിറ്റല്‍ ഇലോക്ക് എന്ന സംവിധാനത്തിലൂടെ ഇടപാടുകാര്‍ക്ക് തങ്ങളുടെ അക്കൗണ്ട് ലോക്ക് ചെയ്ത് സുരക്ഷിതത്വം ഉറപ്പാക്കാനുമാകും.
https://www.facebook.com/Malayalivartha
