ഉത്രാട നാളില്‍ സംസ്ഥാനത്ത് റെക്കോഡ് മദ്യവില്‍പനയാണ് നടന്നത്. ഇരിങ്ങാലക്കുട ഔട്ട്‌ലെറ്റില്‍ നിന്നുമാത്രം വിറ്റഴിച്ചത് 1.21 കോടിയുടെ മദ്യമാണ്. ഒരു ഔട്ട്‌ലെറ്റില്‍ നിന്നും ഒറ്റ ദിവസം ഇത്രയധികം മദ്യം വില്‍ക്കുന്നത് ആദ്യമാണ്. 

ഇതേ ഔട്ട്‌ലെറ്റില്‍ നിന്നും ഉത്രാടത്തിന്റെ തലേ ദിവസം 80 ലക്ഷം രൂപയുടെ മദ്യം വിറ്റഴിച്ചിരുന്നു. തിരുവോണത്തിന് ഇത്തവണ ബിവറേജ് ഔട്ട്‌ലെറ്റുകള്‍ക്ക് അവധിയായിരുന്നു. ആദ്യമായാണ് തിരുവോണ നാളില്‍ ബിവറേജസ് കോര്‍പ്പറേഷന്‍ അവധി പ്രഖ്യാപിക്കുന്നത്. വെളളപ്പൊക്കം മൂലം സമീപത്തെ മദ്യശാലകള്‍ തുറക്കാതിരുന്നതും ഇരിങ്ങാലക്കുട ഔട്ട്‌ലെറ്റില്‍ വില്‍പന വര്‍ദ്ധിക്കാന്‍ ഇടയാക്കി.