പെട്രോള്‍, ഡീസല്‍ വില വീണ്ടും വര്‍ധിച്ചു. തിരുവനന്തപുരത്ത് പെട്രോളിന് ലിറ്ററിന് 15 പൈസ വര്‍ധിച്ച് 81.37 രൂപയായി. ഡീസലിന് 16 പൈസ വര്‍ധിച്ച് 74.64 രൂപയിലെത്തി. കോഴിക്കോട് പെട്രോളിന് 14 പൈസ കൂടി 80.28 രൂപയും ഡീസലിന് 16 പൈസ വര്‍ധിച്ച് 73.65 രൂപയുമായി. എറണാകുളത്ത് പെട്രോളിനും ഡീസലിനും യഥാക്രമം ലിറ്ററിന് 80.06 രൂപയും 73.41 രൂപയുമാണ് ഇന്നത്തെ വില.

അതേസമയം, ഡീസല്‍ ക്ഷാമം മൂലം തൃശൂര്‍ ജില്ലയില്‍ മാള,കൊടുങ്ങല്ലൂര്‍, ചാലക്കുടി ഡിപ്പോകളില്‍ നിന്നുള്ള കെ.എസ്.ആര്‍.ടി ബസ് സര്‍വീസുകള്‍ വെട്ടിച്ചുരുക്കി.