ബിസിനസ്‌ രംഗത്തെ ശക്തരായ വനിതകളുടെ പട്ടികയില്‍ ഒന്നാമതായി എസ്‌.ബി.ഐ മേധാവി
ബിസിനസ്‌ രംഗത്തെ ഏറ്റവും ശക്തരായ വനിതകളുടെ പട്ടികയില്‍ ബാങ്കിംഗ്‌ മേഖലയിലെ മേധാവികള്‍ മുന്‍നിരയില്‍. എസ്‌.ബി.ഐ മേധാവി അരുന്ധതി ഭട്ടാചാര്യയാണ്‌ ഫോര്‍ച്യൂണ്‍ മാസികയുടെ പട്ടികയില്‍ ഒന്നാം സ്ഥാനം നേടിയത്‌.
ഐ.സി.ഐ.സി.ഐ ബാങ്കിന്റെ ചന്ദാ കൊച്ചാറും, ആക്‌സിസ്‌ ബാങ്കിന്റെ ശിഖ ശര്‍മ്മയുമാണ്‌ രണ്ടും മൂന്നും സ്ഥാനങ്ങളില്‍. പുതിയതായി 8 പേര്‍ പട്ടികയില്‍ സ്ഥാനം പിടിച്ചിട്ടുണ്ട്‌.
കിട്ടാക്കടം നിയന്ത്രണവിധേയമാക്കാന്‍ നടത്തിയ ശ്രമങ്ങളാണ്‌ അരുന്ധതി ഭട്ടാചാര്യയെ ഒന്നാമതെത്തിച്ചത്‌. എസ്‌ബിഐ ആസ്തി മൂല്യം വര്‍ദ്ധിച്ചതിലും വിദേശത്ത്‌ 190 ശാഖകളുള്ള ബാങ്കിന്റെ പുരോഗതിയിലും അരുന്ധതി ഭട്ടാചാര്യ വഹിച്ച പങ്ക്‌ വളരെ വലുതാണെന്ന്‌ ഫോര്‍ച്യൂണ്‍ വിലയിരുത്തി. ബാങ്കിങ്ങിന്‌ പുറമെ ഫിനാന്‍സ്‌, ഹെല്‍ത്ത്‌# കെയര്‍, മീഡിയ, ഫാഷന്‍, എന്റര്‍ടെയന്‍മെന്റ്‌ രംഗത്തു നിന്നുള്ള വനിതകളാണ്‌ പട്ടികയില്‍ കൂടുതലും ഉള്ളത്‌.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
