വിമാനയാത്രക്കാരെ ആകര്‍ഷിക്കാനായി വന്‍ ഇളവുമായി സ്‌പൈസ് ജെറ്റ്
12 FEBRUARY 2015 08:38 AM IST
മലയാളി വാര്‍ത്ത.
വിമാനയാത്രക്കാരെ ആകര്‍ഷിക്കാന്‍ നിരക്കില്‍ വന്‍ ഇളവുമായി സ്‌പൈസ് ജെറ്റ് രംഗത്ത്. 599 രൂപയ്ക്കു രാജ്യത്തെ തെരഞ്ഞെടുക്കപ്പെട്ട റൂട്ടുകളില്‍ ചീപ്പര്‍ ദാന്‍ ട്രെയിന്‍ ഫെയര്‍ എന്ന ഓഫര്‍ ലഭ്യമാണെന്ന് കമ്പനി അറിയിച്ചു. ഡിസ്‌കൗണ്ട് ടിക്കറ്റുകള്‍ വഴി ജൂലൈ ഒന്നിനും ഒക്‌ടോബര്‍ 24നുമിടയ്ക്ക് യാത്ര ചെയ്യാം. ഹൈദരാബാദ്-വിജയവാഡ, ഡല്‍ഹി-ഡെറാഡൂണ്‍, ഗോഹട്ടി-കോല്‍ക്കത്ത തുടങ്ങിയ റൂട്ടുകളിലാണ് ആനുകൂല്യം പ്രഖ്യാപിച്ചിരിക്കുന്നത്.
രാജ്യത്തെ ജനങ്ങള്‍ക്ക് കുറഞ്ഞനിരക്കില്‍ വിമാനയാത്രയ്ക്കു അവസരമൊരുക്കുകയെന്നതിന്റെ ഭാഗമായാണ് പുതിയ ഓഫറെന്ന് സ്‌പൈസ് ജെറ്റ് ചീഫ് കൊമേഴ്‌സ്യല്‍ ഓഫീസര്‍ കനേശ്വരന്‍ അവിലി വ്യക്തമാക്കി.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
