പുതുവര്‍ഷത്തില്‍ ഓഹരി വിപണിയില്‍ നേട്ടംതുടരുന്നു. സെന്‍സെക്സ് 170 പോയന്റ് ഉയര്‍ന്ന് 41476ലും നിഫ്റ്റി 48 പോയന്റ് നേട്ടത്തില്‍ 12230ലുമാണ് വ്യാപാരം നടക്കുന്നത്.ബിഎസ്ഇയിലെ 828 കമ്പനികളുടെ ഓഹരികള്‍ നേട്ടത്തിലും 285 ഓഹരികള്‍ നഷ്ടത്തിലുമാണ്. 46 ഓഹരികള്‍ക്ക് മാറ്റമില്ല. ടാറ്റ സ്റ്റീല്‍, ഹിന്‍ഡാല്‍കോ, വേദാന്ത, റിലയന്‍സ്, ഭാരതി എയര്‍ടെല്‍, ടെക് മഹീന്ദ്ര, ഐസിഐസിഐ ബാങ്ക്, ആക്സിസ് ബാങ്ക്, ഹീറോ മോട്ടോര്‍കോര്‍പ്, ഗ്രാസിം, എച്ച്ഡിഎഫ്സി ബാങ്ക് തുടങ്ങിയ ഓഹരികള്‍ നേട്ടത്തിലാണ്.

ജനുവരി 15ന് ചൈന-യുഎസ് വ്യാപാര കരാര്‍ ഒപ്പിടുമെന്ന സൂചനയും വിപണിക്ക് കരുത്തേകി. സീ എന്റര്‍ടെയന്‍മെന്റ്, കോള്‍ ഇന്ത്യ, ടൈറ്റന്‍ കമ്പനി, ഡോ.റെഡ്ഡീസ് ലാബ്, യുപിഎല്‍, ടിസിഎസ്, ഏഷ്യന്‍ പെയിന്റ്സ് തുടങ്ങിയ ഓഹരികള്‍ നഷ്ടത്തിലുമാണ്.