സംസ്ഥാനത്ത് ഇന്ധനവില വീണ്ടും താഴേക്ക്. പെട്രോളിന് 15 പൈസയും ഡീസലിന് 16 പൈസയുമാണ് ഇന്ന് കുറഞ്ഞത്. ഇതോടെ കൊച്ചിയില്‍ പെട്രോള്‍ വില ലിറ്ററിന് 77.38 രൂപയും ഡീസല്‍ വില 72.54 രൂപയുമായി. ഏതാനും ദിവസങ്ങളായി ഇന്ധനവില കുറയുന്ന സാഹചര്യമാണ് നിലനില്‍ക്കുന്നത്. എട്ട് ദിവസത്തിനിടെ പെട്രോളിന് 1.52 രൂപയുടെ കുറവാണ് രേഖപ്പെടുത്തിയത്.
കഴിഞ്ഞ പത്തിന് കൊച്ചിയില്‍ പെട്രോള്‍ വില 78.90 രൂപ രേഖപ്പെടുത്തിയിരുന്നു. പിന്നീടുള്ള ദിവസങ്ങളില്‍ വില കുറഞ്ഞാണ് ഇന്നത്തെ വിലയായ 77.38 രൂപയിലെത്തിയത്.

ഡീസല്‍ വിലയില്‍ 47 പൈസയുടെ കുറവ് മാത്രമാണ് ഉണ്ടായിട്ടുള്ളത്. കഴിഞ്ഞ പത്തിന് കൊച്ചിയില്‍ ഡീസല്‍ വില 73.01 രൂപയായിരുന്നു.