നേട്ടത്തോടെ ഓഹരി സൂചികകള്‍ കുതിക്കുന്നു. സെന്‍സെക്സ് 39,000വും നിഫ്റ്റി 11,600ഉം കടന്ന് മുന്നേറുകയാണ്. 206 പോയന്റാണ് സെന്‍സെക്സിലെ നേട്ടം. 39,280ലാണ് വ്യാപാരം നടക്കുന്നത്. നിഫ്റ്റി 55 പോയന്റ് ഉയര്‍ന്ന് 11605ലുമെത്തി.ബിഎസ്ഇയിലെ 1113 കമ്പനികളുടെ ഓഹരികള്‍ നേട്ടത്തിലും 487 ഓഹരികള്‍ നഷ്ടത്തിലുമാണ്. 78 ഓഹരികള്‍ക്ക് മാറ്റമില്ല.

ഇന്‍ഡസിന്റ് ബാങ്ക്, എച്ച്ഡിഎഫ്സി, ടാറ്റ മോട്ടോഴ്സ്, എസ്ബിഐ, ഐസിഐസിഐ ബാങ്ക്, ടാറ്റ സ്റ്റീല്‍, ആക്സിസ് ബാങ്ക്, ഗ്രാസിം, പവര്‍ഗ്രിഡ് കോര്‍പ് തുടങ്ങിയ ഓഹരികളാണ് നേട്ടത്തില്‍. ഹീറോ മോട്ടോര്‍കോര്‍പ്, ബജാജ് ഓട്ടോ, ഐഷര്‍ മോട്ടോഴ്സ്, ബജാജ് ഫിനാന്‍സ്, ഹിന്ദുസ്ഥാന്‍ യുണിലിവര്‍, മാരുതി സുസുകി, ഒഎന്‍ജിസി തുടങ്ങിയ ഓഹരികള്‍ നഷ്ടത്തിലുമാണ്.