സംസ്ഥാനത്ത് ഇന്ന് പെട്രോള്‍, ഡീസല്‍ വിലയില്‍ മാറ്റമില്ല. കൊച്ചിയില്‍ പെട്രോള്‍ വില ലിറ്ററിന് 84.08 രൂപയിലും ഡീസല്‍ വില 78.12 രൂപയിലും തുടരുകയാണ്. ഇന്നലെ പെട്രോളിന് 30 പൈസയും ഡീസലിനു 27 പൈസയും വര്‍ധിച്ചാണ് ഈ നിലവാരത്തിലെത്തിയത്.തിരുവനന്തപുരത്താകട്ടെ പെട്രോള്‍ ലിറ്ററിന് 85.72 രൂപയും ഡീസലിന് 79.65 രൂപയുമാണ്.

കഴിഞ്ഞ രണ്ടാഴ്ചയായി ദിനംപ്രതി വര്‍ധിച്ചുകൊണ്ടിരുന്ന ഇന്ധനവിലയിലാണ് ഇന്നു മാറ്റമില്ലാതെ തുടരുന്നത്. രണ്ടാഴ്ചയ്ക്കുള്ളില്‍ പെട്രോളിന് രണ്ടു രൂപയിലധികവും ഡീസലിന് മൂന്നൂ രൂപയോളവുമാണു വര്‍ധിച്ചത്.