ഇന്ധനവിലയില്‍ മാറ്റമില്ല. തുടര്‍ച്ചയായ നാലു ദിവസം ഇന്ധനവിലയില്‍ വര്‍ദ്ധന രേഖപ്പെടുത്തിയതിനു ശേഷം ഇന്ന് പെട്രോള്‍, ഡീസല്‍ വിലയില്‍ മാറ്റമില്ല.

ഒരു ലിറ്റര്‍ പെട്രോളിന് ഇന്ന് 93.25 രൂപയാണ് ഇന്നത്തെ വില. മെയ് മൂന്നാം തിയതി ഒരു ലിറ്റര്‍ പെട്രോളിന് വില 92.28 രൂപയായിരുന്നു. പിന്നീടുള്ള നാലുദിവസം പെട്രോള്‍ വിലയില്‍ വര്‍ദ്ധനവ് ഉണ്ടായി.


മെയ് നാലാം തിയതി 0.29 പൈസയും അഞ്ചാം തിയത് 0.17 പൈസയും ആറാം തിയത് 0.23 പൈസയും ഏഴാം തിയതി 0.28 പൈസയുമാണ് വര്‍ദ്ധിച്ചത്. അതേസമയം, ഡീസലിനും ഇന്ന് വില വര്‍ദ്ധന രേഖപ്പെടുത്തിയിട്ടില്ല. ലിറ്ററിന് 87.90 രൂപയാണ് കേരളത്തില്‍ ഡീസലിന് വില. മെയ് മൂന്നിന് ഒരു ലിറ്റര്‍ ഡീസലിന് 86.75 രൂപയായിരുന്നു വില.

തുടര്‍ന്നുള്ള നാലു ദിവസം ഡീസലിലും വില വര്‍ദ്ധന രേഖപ്പെടുത്തി. മെയ് നാലാം തിയതി 0.32 പൈസയും അഞ്ചാം തിയതി 0.2 പൈസയും ആറാം തിയത് 0.3 പൈസയും ഏഴാം തിയത് 0.33 പൈസയും വര്‍ദ്ധിച്ചു.