പെട്രോള്‍, ഡീസല്‍ നിരക്ക് തുടര്‍ച്ചയായ അഞ്ചാം ദിവസവും മാറ്റമില്ലാതെ തുടരുന്നു. രാജ്യാന്തര വിപണിയില്‍ ക്രൂഡോയില്‍ വില കുറഞ്ഞു നില്‍ക്കുകയുമാണ്.

ഒരാഴ്ച മുന്‍പ് 17 പൈസ വര്‍ധിപ്പിച്ചതിനു ശേഷം ഡീസലിന് ഇതുവരെ വില കൂട്ടിയിട്ടില്ല. ശനിയാഴ്ചയാണ് പെട്രോളിന് 30 പൈസ കൂട്ടിയത്.മേയ് മൂന്നിനു ശേഷം ആദ്യമായാണ് തുടര്‍ച്ചയായ ഇത്രയും ദിവസം രാജ്യത്ത് ഇന്ധന വില കൂട്ടാതിരിക്കുന്നത്.

എന്നിരുന്നാലും, മുംബൈ, ഡല്‍ഹി തുടങ്ങിയ മറ്റ് മെട്രോ നഗരങ്ങളിലെ വിലകള്‍ എക്കാലത്തെയും ഉയര്‍ന്ന നിരക്കിലാണ്. ഡല്‍ഹിയില്‍ പെട്രോളിന് ഇന്ന് ലിറ്ററിന് 101.84 രൂപയും ഡീസലിന് ലിറ്ററിന് 89.87 രൂപയുമാണ് വില.

പെട്രോളിന് തിരുവനന്തപുരത്ത് 103.58 രൂപയും കൊച്ചിയില്‍ 101.94 രൂപയുമാണ് വില.