പെട്രോള്‍-ഡീസല്‍ വിലയില്‍ തുടര്‍ച്ചയായ രണ്ടാം ദിവസവും മാറ്റമില്ല. ഇന്ന് പെട്രോള്‍ ഡീസല്‍ വിലയില്‍ മാറ്റമില്ലെന്ന് സര്‍ക്കാര്‍ നിയന്ത്രണത്തിലുള്ള പൊതുമേഖലാ എണ്ണ കമ്പനികള്‍ അറിയിച്ചു.

ചൊവ്വാഴ്ച പെട്രോള്‍ വില 11 പൈസ മുതല്‍ 15 പൈസ വരെയും ഡീസല്‍ വില 14 മുതല്‍ 16 പൈസ വരെ കുറച്ചിരുന്നു. എന്നാല്‍ ബുധനാഴ്ച പെട്രോള്‍ വിലയില്‍ മാറ്റമില്ലായിരുന്നു.

ഇന്ന് ഡല്‍ഹിയില്‍ പെട്രോള്‍ വില ലിറ്ററിന് 101.49 രൂപയാണ്. ഡീസല്‍ ലിറ്ററിന് 88.92 രൂപയാണ് ഡല്‍ഹിയിലെ വില. സംസ്ഥാനത്ത് പെട്രോളിന് തിരുവനന്തപുരത്താണ് ഏറ്റവും ഉയര്‍ന്ന നിരക്ക്.

ഒരു ലിറ്ററിന് 103.42 രൂപയാണ് അവിടുത്തെ നിരക്ക്. ഏറ്റവും കുറഞ്ഞ നിരക്ക് എറണാകുളത്താണ്(101.74 രൂപ). തിരുവനന്തപുരം 103.42 രൂപയാണ്.