ഡീസല്‍ വിലയില്‍ വര്‍ദ്ധനവ്... പെട്രോള്‍ വില മാറ്റമില്ലാതെ തുടരുന്നു. രാജ്യത്തുടനീളം ഡീസല്‍ വില 20 മുതല്‍ 22 പൈസ വരെ വര്‍ദ്ധിച്ചു. ജൂലൈ 15 ന് ശേഷം ആദ്യമായാണ് വില വര്‍ദ്ധനവ് ഉണ്ടാവുന്നത്.

അതേസമയം പെട്രോള്‍ വില തുടര്‍ച്ചയായ 19 -ാം ദിവസവും മാറ്റമില്ലാതെ തുടരുന്നു. മുംബൈയില്‍ ഡീസല്‍ വില 22 പൈസ വര്‍ദ്ധിച്ചു, ഇത് ചില്ലറവില്‍പ്പന മേഖലയില്‍ ലിറ്ററിന് വില 96.41 രൂപയായി പുതുക്കി.

മഹാരാഷ്ട്രയുടെ തലസ്ഥാന നഗരിയില്‍ പെട്രോള്‍ വില അതേപടി തുടരുകയും ലിറ്ററിന് 107.26 രൂപയ്ക്ക് വില്‍ക്കുകയും ചെയ്തു. ഡല്‍ഹിയില്‍, ഡീസല്‍ വില 20 പൈസ വര്‍ദ്ധിച്ചപ്പോള്‍ പെട്രോള്‍ വില മാറ്റമില്ലാതെ നിലനിന്നു. ഈ പുതുക്കലോടെ, ഒരു ലിറ്റര്‍ ഡീസല്‍ 88.82 രൂപയ്ക്കും പെട്രോള്‍ 101.19 രൂപയ്ക്കും രാജ്യതലസ്ഥാനത്ത് വിറ്റു.

കൊല്‍ക്കത്തയിലും ഡീസല്‍ വില വര്‍ദ്ധിച്ചു, അവിടെ ഒരു ലിറ്റര്‍ ഡീസലിന് 21 പൈസ വര്‍ദ്ധിച്ച് 91.92 രൂപയായി. പശ്ചിമ ബംഗാളിന്റെ തലസ്ഥാനത്ത് പെട്രോള്‍ വിലയില്‍ മാറ്റമില്ല, ലിറ്ററിന് 101.62 രൂപയാണ് വില.

അതേസമയം തിരുവനന്തപുരത്ത് പെട്രോള്‍ - ലിറ്ററിന് 103.42 രൂപയും ഡീസല്‍ - ലിറ്ററിന് 95.61 രൂപയുമാണ്.