ഇന്ധനവില ഇന്നും കൂട്ടി. പെട്രോളിന് 25 പൈസയും, ഡീസലിന് 32 പൈസയുമാണ് വര്‍ദ്ധിപ്പിച്ചത്. തുടര്‍ച്ചയായ മൂന്നാം ദിവസമാണ് സംസ്ഥാനത്ത് ഇന്ധനവില കൂട്ടുന്നത്.

കൊച്ചിയില്‍ പെട്രോള്‍ ലിറ്ററിന് 102 രൂപ 45 പൈസയും, ഡീസലിന് 95 രൂപ 54 പൈസയുമായി. തിരുവനന്തപുരത്ത് ഒരു ലിറ്റര്‍ പെട്രോളിന് 104 രൂപ 42 പൈസയും, ഡീസലിന് 97 രൂപ 45 പൈസയുമാണ് ഇന്നത്തെ വില.

അതേസമയം ഇന്നലെ സംസ്ഥാനത്ത് പെട്രോള്‍ വില 104 രൂപയും ഡീസല്‍ വില 97 രൂപയും കടന്നു. തിരുവനന്തപുരത്ത് ഇന്നലെ 25 പൈസ വര്‍ദ്ധിച്ച് പെട്രോളിന് 104.13 രൂപയായി. 32 പൈസ ഉയര്‍ന്ന് 97.03 രൂപയാണ് ഡീസലിന്. രണ്ടും എക്കാലത്തെയും ഉയര്‍ന്ന വിലയാണ്.

വാണിജ്യ സിലിണ്ടര്‍വില കൂട്ടിവാണിജ്യാവശ്യത്തിനുള്ള എല്‍.പി.ജി സിലിണ്ടറിന്റെ (19 കിലോഗ്രാം) വിലയും കൂട്ടി. തിരുവനന്തപുരത്ത് 35.5 രൂപ വര്‍ദ്ധിച്ച് വില 1,745.5 രൂപയായി.