ഇന്ധനവിലയില്‍ വര്‍ദ്ധനവ് തുടരുന്നു... ഡീസല്‍ വില 100നോടടുക്കുന്നു, പെട്രോള്‍ വില 106 ലേക്ക്......തിരുവനന്തപുരത്ത് ഡീസല്‍ വില 99 രൂപ 10 പൈസ ആയി. 105 രൂപ 78പൈസയാണ് തിരുവനന്തപുരത്ത് പെട്രോള്‍ വില.


കൊച്ചിയില്‍ പെട്രോള്‍ വില 103 രൂപ 80 പൈസയും ഡീസല്‍ വില 97 രൂപ 20 പൈസയുമായി. കോഴിക്കോട് പെട്രോള്‍ വില 104 രൂപ 02 പൈസയുമായും ഡീസല്‍ വില 97 രൂപ 51 പൈസയുമായും വര്‍ധിപ്പിച്ചു.

ഇന്നലെ പെട്രോളിന് 30 പൈസയും ഡീസലിന് 37 പൈസയുമാണ് കൂട്ടിയത്. ബുധനാഴ്ച്ച പെട്രോളിന് 30 പൈസയും ഡീസലിന് 37 പൈസയും കൂട്ടിയിരുന്നു.

സെപ്റ്റംബര്‍ 24 മുതല്‍ നാലുതവണയായി ഡീസലിന് 95 പൈസയാണ് വര്‍ധിച്ചത്. രാജ്യാന്തര വിപണിയില്‍ ക്രൂഡോയില്‍ വില മൂന്ന് വര്‍ഷത്തെ ഏറ്റവും ഉയര്‍ന്ന നിരക്കിലാണ്.