ഇന്ധനവില കത്തുന്നു.... ഡീസലും സെഞ്ച്വറി കടന്നു.... പെട്രോള്‍ വില 107 നോടടുക്കുന്നു.... സാധാരണക്കാര്‍ നെട്ടോട്ടത്തില്‍ . കേരളത്തിലും ഡീസലിന് 100 കടന്നു. 38 പൈസ കൂടി വര്‍ധിപ്പിച്ചതോടെ പാറശാലയില്‍ ഡീസല്‍ ലിറ്ററിന് 100.11 രൂപയായി.

പൂപ്പാറയില്‍ 100.05 രൂപയും. പെട്രോളിന് ഇന്ന് 30 പൈസ വര്‍ധിപ്പിച്ചു. ഇതോടെ കൊച്ചിയില്‍ പെട്രോള്‍ ലിറ്ററിന് 104.57 രൂപയും ഡീസലിന് 98.14 രൂപയുമായി. തിരുവനന്തപുരത്ത് ഡീസല്‍ 99.83 രൂപയിലെത്തി. പെട്രോളിന് 106.39 രൂപയുമായി.

കഴിഞ്ഞ അഞ്ചു മുതല്‍ എണ്ണവിലയില്‍ വര്‍ധന മുടങ്ങാതെ തുടരുകയാണ്. രണ്ടാഴ്ചയ്ക്കുളളില്‍ പെട്രോളിന് 2.95 രൂപയും ഡീസലിന് 3.69 രൂപയും വര്‍ധിച്ചു. കോവിഡ് മഹാമാരിക്കിടയില്‍ ബുദ്ധിമുട്ടുന്ന സാധാരണക്കാര്‍ക്ക് ഏറെ തിരിച്ചടിയായിരിക്കുകയാണ് ഇന്ധനവിലവര്‍ദ്ധനവ്.