ഇന്ത്യയൊട്ടാകെയുള്ള ബ്രോഡ് ബാന്‍ഡ് ഉപഭോക്താക്കള്‍ക്ക് ഓഫറുമായി ബിഎസ്എന്‍എല്‍
ബ്രോഡ് ബാന്‍ഡ് ഉപഭോക്താക്കള്‍ക്ക് ഓഫറുമായി ബിഎസ്എന്‍എല്‍. ഭാരത് ഫൈബര്‍, ഡിജിറ്റല്‍ സബ്‌സ്‌ക്രൈബര്‍ ലൈന്‍ ഉപഭോക്താക്കള്‍ക്ക് ആണ് നാല് മാസം വരെ സൗജന്യ ബ്രോഡ്ബാന്‍ഡ് സേവനം നല്‍കുന്നത്. ബിഎസ്എന്‍എല്‍ ലാന്‍ഡ്ലൈന്‍, ബ്രോഡ്ബാന്‍ഡ് ഓവര്‍ വൈ-ഫൈ വരിക്കാര്‍ക്കും ഈ ഓഫര്‍ ബാധകമാണ്. ഇന്ത്യയൊട്ടാകെ ഓഫര്‍ ലഭിക്കും. നിലവിലെ വരിക്കാര്‍ക്കാണ് അധിക ബ്രോഡ്ബാന്‍ഡ് സേവനം വാഗ്ദാനം ചെയ്യുന്നത്.
പൊതുമേഖലാ ടെലികോം കമ്പനി ആന്‍ഡമാന്‍ നിക്കോബാര്‍ സര്‍ക്കിള്‍ ഒഴികെയുള്ള എല്ലാ സര്‍ക്കിളുകളിലും പ്രത്യേക ഓഫര്‍ പ്രഖ്യാപിച്ചിട്ടുണ്ട്. വിവിധ സര്‍ക്കിളുകളില്‍ ഒരേ താരിഫ് വാഗ്ദാനം ചെയ്യുന്ന ഭാരത് ഫൈബര്‍ പ്ലാനുകള്‍ ബിഎസ്എന്‍എലിനുണ്ട്. ഈ പ്ലാന്‍ എടുത്തിട്ടുള്ള ഉപഭോക്താക്കള്‍ക്ക് അധിക മാസം ബ്രോഡ്ബാന്‍ഡ് സേവനങ്ങള്‍ നല്‍കുന്നതാണ് ഓഫര്‍.
നിലവില്‍ ബ്രോഡ്ബാന്‍ഡ് കണക്ഷന്‍ ഉള്ളവര്‍ക്കാണ് അധിക ഓഫര്‍ ലഭിക്കുക. 36 മാസത്തെ പ്ലാന്‍ എടുത്തവര്‍ക്കാണ് അധിക ഇന്റര്‍നെറ്റ് ലഭിക്കുക. 449 രൂപ മുതലുള്ള പാക്കുകള്‍ ലഭ്യമാണ്. 36 മാസത്തെ ബ്രോഡ് ബാന്‍ഡ് പ്ലാന്‍ എടുത്തവര്‍ക്ക് നാല് മാസം അധികം ബ്രോഡ്ബാന്‍ഡ് സേവനങ്ങള്‍ നല്‍കും. ഇതിന് തുക ഈടാക്കില്ല.
ബിഎസ്എന്‍എല്‍ ബ്രോഡ്ബാന്‍ഡ് ഉപഭോക്താക്കള്‍ക്ക് 24 മാസത്തേക്ക് മുന്‍കൂര്‍ വാടക അടച്ചാല്‍ മൂന്ന് മാസത്തെ സൗജന്യ സേവനവും കമ്പനിവാഗ്ദാനം ചെയ്യുന്നുണ്ട്. കൂടാതെ, 12 മാസത്തെ മുന്‍കൂര്‍ വാടക നല്‍കുന്ന വരിക്കാര്‍ക്ക് ഒരു മാസത്തേക്ക് സൗജന്യ സേവനം ലഭിക്കും. ബിഎസ്എന്‍എല്‍ ടോള്‍ ഫ്രീ നമ്പറില്‍ വിളിച്ചും ഓഫറുകള്‍ അറിയാം. 1800003451500 എന്ന നമ്പറില്‍ വിളിക്കാം.
ബിഎസ്എന്‍എല്‍ കഴിഞ്ഞ വര്‍ഷം ഫെബ്രുവരിയില്‍ മഹാരാഷ്ട്ര സര്‍ക്കിളില്‍ സൗജന്യ ബ്രോഡ്ബാന്‍ഡ് സേവനങ്ങള്‍ നല്‍കിയിരുന്നു. ഇതാണ് രാജ്യമെമ്പാടും നല്‍കുന്നത്. ഭാരത് ഫൈബര്‍, ഉടഘ, ലാന്‍ഡ്ലൈന്‍, വൈഫൈ ഉപഭോക്താക്കള്‍ക്ക് ഓഫര്‍ ലഭിക്കും. മൂന്ന് വര്‍ഷത്തെ തുക നല്‍കുന്നവര്‍ക്കാണ് നാല് മാസത്തെ സൗജന്യ ബ്രോഡ്ബാന്‍ഡ് സേവനം ലഭിക്കുക.
https://www.facebook.com/Malayalivartha
