ഇന്ധനവിലയില്‍ വീണ്ടും വര്‍ദ്ധനവ്. രണ്ടു ദിവസത്തെ ഇടവേളയ്ക്കുശേഷം ഇന്നലെയാണ് ഇന്ധവില വര്‍ധിച്ച് തുടങ്ങിയത്. ഇന്ന് തുടര്‍ച്ചയായ രണ്ടാം ദിവസവും വില വര്‍ധിപ്പിച്ചു. പെട്രോള്‍ ലിറ്ററിന് 35 പൈസയും ഡീസലിന് 36 പൈസയുമാണ് ഇന്ന് കൂട്ടിയത്.

ഇതോടെ കൊച്ചിയില്‍ പെട്രോള്‍ ലിറ്ററിന് 106.97 രൂപയും ഡീസലിന് 100.70 രൂപയുമായി. തിരുവനന്തപുരത്ത് പെട്രോളിന് 108.79 രൂപയും ഡീസലിന് 102.40 രൂപയുമായി.

ഒക്ടോബര്‍ ഒന്നു മുതല്‍ ഇന്നു വരെ പെട്രോളിന് 4.60 രൂപയും ഡീസലിന് 5.63 രൂപയുമാണ് വര്‍ധിച്ചത്. വരും ദിവസങ്ങളിലും ഇന്ധനവില വര്‍ധിക്കുമെന്നാണ് സൂചനകള്‍ .