രാജ്യത്ത് ഇന്ധനവില ഇന്നും വര്‍ധിച്ചു. പെട്രോളിന് 35 പൈസയും ഡീസലിന് 37 പൈസയുമാണ് വര്‍ധിച്ചത്.ഇതോടെ കൊച്ചിയില്‍ പെട്രോളിന് 108.95 രൂപയും ഡീസലിന് 102.80 രൂപയുമായി.

സാധാരണക്കാര്‍ ഏറെ ദുരിതത്തിലാണ്. മഴക്കെടുതിയും കോവിഡും എല്ലാം ജനങ്ങളെ ആകെ ബുദ്ധിമുട്ടിലാക്കിയിരിക്കുമ്പോള്‍ ദിനം പ്രതി ഇന്ധനവിലയും കൂടി വര്‍ദ്ധിച്ചു കൊണ്ടിരിക്കുന്നത് അവരെ ഏറെ പ്രയാസത്തിലാക്കുകയാണ്.

തിരുവനന്തപുരത്ത് പെട്രോളിന് 111.15 രൂപയും ഡീസലിന് 104.88 രൂപയുമാണ്. കോഴിക്കോട്ട് പെട്രോളിനും ഡീസലിനും യഥാക്രമം 109.09 രൂപയും 102.94 രൂപയുമാണ്..

പെട്രോളിന് ഈ മാസം മാത്രം ഏഴു രൂപ കൂടി. ഒക്ടോബറില്‍ മാത്രം ഡീസലിന് കൂടിയത് ഒന്‍പത് രൂപയിലേറെയാണ്.