കരിപ്പൂര്‍ വിമാനത്താവളത്തില്‍ അറ്റകുറ്റപ്പണി നടക്കുന്നതിനാല്‍ കേരളത്തില്‍ നിന്നുള്ള സര്‍വീസുകളുടെ സമയക്രമം ജെറ്റ് എയര്‍വെയ്‌സ് പുതുക്കി നിശ്ചയിച്ചു. മുംബയില്‍ നിന്നുള്ള 9ഡബ്‌ള്യു 423 ഫ്‌ളൈറ്റ് ഇനിമുതല്‍ രാവിലെ 9.05ന് പുറപ്പെട്ട് രാവിലെ 10.50ന് കോഴിക്കോട്ടെത്തും. തിരിച്ചുള്ള 9ഡബ്‌ള്യു 424 ഫ്‌ലൈറ്റ് 11.20ന് പുറപ്പെട്ട് 1.05ന് മുംബയിലെത്തും.
കൊച്ചിയില്‍ നിന്നുള്ള പ്രതിദിന ദമാം ഫ്‌ളൈറ്റ് (9ഡബ്‌ള്യു 570) രാവിലെ 10.50ന് പുറപ്പെട്ട് ദമാം പ്രാദേശിക സമയമായ ഉച്ചയ്ക്ക് ഒന്നിന് അവിടെയത്തും. മടക്കയാത്ര പുലര്‍ച്ചെ 2.40നാണ്. രാവിലെ 9.50ന് കൊച്ചിയിലെത്തും. ദമാമില്‍ നിന്നുള്ള 9ഡബ്‌ള്യു 577 ഫ്‌ളൈറ്റ് ഉച്ചയ്ക്ക് 2.10ന് പുറപ്പെടും. രാത്രി 9.10ന് കോഴിക്കോട്ടെത്തും. രാത്രി 11.30ന് ദമാമിലേക്ക് മടങ്ങും. പുലര്‍ച്ചെ 1.40ന് ദമാമിലെത്തും.

തിരുവനന്തപുരത്തു നിന്നുള്ള 9ഡബ്‌ള്യു 594 ഫ്‌ളൈറ്റ് രാവിലെ 11.35ന് പുറപ്പെട്ട് ഉച്ചയ്ക്ക് 1.45ന് ദോഹയിലെത്തും. പുലര്‍ച്ചെ 3.30ന് ആരംഭിക്കുന്ന മടക്കയാത്ര രാവിലെ 10.35ന് തിരുവനന്തപുരത്തെത്തും. ഉച്ചയ്ക്ക് 3.10നാണ് ദോഹയില്‍ നിന്ന് കോഴിക്കോട്ടേക്കുള്ള ഫ്‌ളൈറ്റ്. രാത്രി പത്തിന് കോഴിക്കോട്ടെത്തും. മടക്കയാത്ര പുലര്‍ച്ചെ 12.40നാണ്. പുലര്‍ച്ചെ 2.30ന് ദോഹയിലെത്തും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha