ഇന്ധനവില ശനിയാഴ്ചയും വര്‍ധിപ്പിക്കും. പെട്രോള്‍ ലിറ്ററിന് 84 പൈസയും ഡീസലിന് 81 പൈസയുമാണ് വര്‍ധിപ്പിക്കുന്നത്. ഇതോടെ കൊച്ചിയില്‍ ശനിയാഴ്ച ഒരു ലിറ്റര്‍ പെട്രോളിന് 107.76 രൂപയും ഡീസലിന് 94.91 രൂപയുമാകും.

22, 23 തിയതികളിലായി പെട്രോള്‍ ലിറ്ററിന് 1.63 രൂപയും ഡീസ ലിന് 1.61 രൂപയും വര്‍ധിപ്പിച്ചിരുന്നു. ഇന്ന് പെട്രോള്‍ ലിറ്ററിന് 89 പൈസയും ഡീസലിന് 84 പൈസയുമാണ് വര്‍ധിച്ചത്.

അഞ്ച് ദിവസം കൊണ്ട് ഒരു ലിറ്റര്‍ പെട്രോളിന് 3.36 രൂപയും ഡീസലിന് 3.26 രൂപയുമാണ് വര്‍ധിക്കുന്നത്.