സൂചികകളില്‍ നേട്ടത്തോടെ തുടക്കം... സെന്‍സെക്സ് 230 പോയന്റ് ഉയര്‍ന്ന് 54,558ലും നിഫ്റ്റി 80 പോയന്റ് നേട്ടത്തില്‍ 16,350ലുമാണ് വ്യാപാരം ഏഷ്യന്‍ സൂചികകളിലെ നേട്ടമാണ് ആഭ്യന്തര വിപണിയിലും പ്രതിഫലിച്ചത്.

സെക്ടറല്‍ സൂചികകളില്‍ ബാങ്ക്, ഓട്ടോ, ഐടി, ഫാര്‍മ, പൊതുമേഖല ബാങ്ക്, സ്വകാര്യ ബാങ്ക്, റിയാല്‍റ്റി തുടങ്ങിയവയാണ് നേട്ടത്തില്‍. മെറ്റല്‍ സൂചിക കനത്ത നഷ്ടംനേരിട്ടു. ആറു ശതമാനത്തോളം താഴ്ന്നു.

മാരുതി, എന്‍ടിപിസി, മഹീന്ദ്ര ആന്‍ഡ് മഹീന്ദ്ര, ടൈറ്റന്‍, നെസ് ലെ, ഏഷ്യന്‍ പെയിന്റ്സ്, ഇന്‍ഡസിന്‍ഡ് ബാങ്ക്, കൊട്ടക് മഹീന്ദ്ര ബാങ്ക്, ഡോ.റെഡ്ഡീസ് ലാബ് തുടങ്ങിയ ഓഹരികള്‍ നേട്ടത്തിലാണ്. ടാറ്റ സ്റ്റീല്‍ ഓഹരി 10ശതമാനത്തോളം നഷ്ടംനേരിട്ടു.

ബിഎസ്ഇ മിഡ്ക്യാപ്, സ്മോള്‍ ക്യാപ് സൂചികകള്‍ 0.6ശതമാനവും നേട്ടത്തിലാണ്.