ഓഹരി വിപണിയില്‍ നേട്ടത്തോടെ തുടക്കം... സെന്‍സെക്സ് 482 പോയന്റ് ഉയര്‍ന്ന് 62,984ലിലും നിഫ്റ്റി 130 പോയന്റ് നേട്ടത്തില്‍ 18,629ലുമാണ് വ്യാപാരം
വ്യാപാരത്തിനിടെ രാവിലെ സെന്‍സെക്സ് 63,000 പിന്നിട്ടു. നിഫ്റ്റിയാകട്ടെ 18,600 നിലവാരത്തിലുമെത്തി. മഹീന്ദ്ര ആന്‍ഡ് മഹീന്ദ്ര, എച്ച്ഡിഎഫ്സി, കൊട്ടക് മഹീന്ദ്ര ബാങ്ക്, ഇന്‍ഡസിന്‍ഡ് ബാങ്ക്, എച്ച്ഡിഎഫ്സി ബാങ്ക്, ബജാജ് ഫിന്‍സര്‍വ്, എന്‍ടിപിസി തുടങ്ങിയ ഓഹരികളാണ് പ്രധാനമായും നേട്ടത്തില്‍.

സണ്‍ ഫാര്‍മ, പവര്‍ഗ്രിഡ് കോര്‍പ് തുടങ്ങിയ ഓഹരികള്‍ നഷ്ടത്തിലുമാണ്.സെക്ടറല്‍ സൂചികകളില്‍ നിഫ്റ്റി ധനകാര്യ സേവനം 1.14ശതമാനം ഉയര്‍ന്നാണ് വ്യാപാരം നടക്കുന്നത്.നിഫ്റ്റി സ്മോള്‍ ക്യാപ് സൂചികയും നേരിയനേട്ടത്തിലാണ്. ബാങ്ക്, ഓട്ടോ, എഫ്എംസിജി, ഐടി, മെറ്റല്‍ സൂചികകളും നേട്ടത്തിലാണ്.