ആംസ്റ്റര്‍ഡാമിലേക്കുള്ള വിമാനയാത്ര നിരക്കുകള്‍ ജെറ്റ് എയര്‍വെയ്‌സ് വെട്ടികുറച്ചു. അഞ്ചു ദിവസത്തേക്കാണ് ജെറ്റ് എയര്‍വെയ്‌സ് ഈ ഓഫര്‍ പ്രഖ്യാപിച്ചത്. ജനുവരി 15 മുതലാണ് ഈ സൗകര്യം ലഭ്യമായിത്തുടങ്ങുക. വിമാനയാത്രാ നിരക്കില്‍ 16 ശതമാനമാണ് കമ്പനി ഇളവു ചെയ്തത്. പ്രീമിയര്‍ ക്ലാസിലും എക്കണോമിക് ക്ലാസിലും യാത്ര ചെയ്യുന്നവര്‍ക്ക് ഈ ആനുകൂല്യം ലഭ്യമാകും. 

ആംസ്റ്റര്‍ഡാമിലേക്കുള്ള പുതിയ റൂട്ടുകള്‍ക്ക് ലഭിച്ച സ്വീകാര്യതയാണ് ജെറ്റ് എയര്‍വെയ്‌സിനെ പുതിയ തീരുമാനത്തിന് പ്രേരിപ്പിച്ചത്. ഇതിലൂടെ യാത്രക്കാരെ ആകര്‍ഷിക്കുക എന്ന തന്ത്രമാണ് കമ്പനി പയറ്റുന്നത്. കൂടാതെ മാര്‍ച്ച് 27 മുതല്‍ മുംബൈയില്‍ നിന്നും ഡല്‍ഹിയില്‍ നിന്നും ആംസ്റ്റര്‍ഡാമിലേക്ക് നോണ്‍സ്റ്റോപ് വിമാന സര്‍വീസുകള്‍ ആരംഭിക്കാനും ജെറ്റ് എയര്‍വെയ്‌സ് തീരുമാനിച്ചിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha