പതഞ്ജലി വമ്പന്മാരെ കടത്തിവെട്ടും: ബാബ രാംദേവ്
യോഗ ഗുരുവായ ബാബ രാംദേവിന്റെ ഉടമസ്ഥതയിലുള്ള 'പതഞ്ജലി' ഉല്‍പ്പന്നങ്ങള്‍ വരും ദിവസങ്ങളില്‍ ഭീമന്‍ കമ്പനികളായ കോള്‍ഗേറ്റ്, യൂണിലെവര്‍, നെസ്ലെ എന്നിവയെ കടത്തി വെട്ടുമെന്ന് രാംദേവിന്റെ പ്രവചനം. ഈ വര്‍ഷാവസാനത്തോടെ കോള്‍ഗേറ്റ് തങ്ങള്‍ക്ക് പിന്നിലാവുമെന്നും മൂന്നു വര്‍ഷം കൊണ്ട് യൂണിലെവറിനെ കടത്തിവെട്ടുമെന്നും അദ്ദേഹം പത്രലേഖകരോട് പറഞ്ഞു . അല്പം ആക്ഷേപ ഹാസ്യത്തോടെയാണ് രാംദേവ് ഈ പ്രസ്താവന നടത്തിയത്. 'പതഞ്ജലി ഉല്‍പ്പന്നങ്ങള്‍ കോള്‍ഗേറ്റിന്റെ ഗേറ്റ് അടപ്പിക്കും, നെസ്ലെയുടെ കൂട്ടില്‍ നിന്നും കിളി പറക്കും' ഇതായിരുന്നു അദ്ദേഹത്തിന്റെ വാക്കുകള്‍. പതഞ്ജലി ആയുര്‍വേദ 2016-17 കാലയളവില്‍ 10000 കോടി രൂപയുടെ വിറ്റുവരവ് പ്രതീക്ഷിക്കുന്നതായി യോഗാ ഗുരു അറിയിച്ചു. പതഞ്ജലിയുടെ വിജയത്തെക്കുറിച്ചും അദ്ദേഹം വിവരിച്ചു, തങ്ങളുടെ ഉല്പ്പന്നങ്ങളുടെ ബ്രാന്‍ഡ് അംബാസിഡമാര്‍ പരസ്യത്തിനു വേണ്ടി ചില്ലി കാശ് പോലും വാങ്ങില്ല എന്നും ഗുരു കൂട്ടിച്ചേര്‍ത്തു. ഇന്ത്യന്‍ ഗുസ്തി താരം സുശീല്‍ കുമാറാണ് പതഞ്ജലിയുടെ ബ്രാന്‍ഡ് അംബാസിഡര്‍.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
