ലോകത്തിലെ പത്ത് സമ്പന്ന രാജ്യങ്ങളുടെ പട്ടികയില്‍ ഇന്ത്യ ഏഴാമത്. 5.6 ലക്ഷം കോടി ഡോളറാണ് ഇന്ത്യയുടെ മൊത്തം ആസ്തി. അമേരിക്കയാണ് പട്ടികയില്‍ ഒന്നാമത്. ന്യൂ വേള്‍ഡ് വെല്‍ത്തിന്റെ റിപ്പോര്‍ട്ടനുസരിച്ചുള്ള കണക്കുകളാണ് ഇപ്പോള്‍ പുറത്തു വന്നിരിക്കുന്നത്. ഇന്ത്യക്കു പിന്നാലെ കാനഡ (4.7 ലക്ഷം കോടി ഡോളര്‍), ഓസ്‌ട്രേലിയ (4.5 ലക്ഷം കോടി ഡോളര്‍), ഇറ്റലി (4.4 ലക്ഷം കോടി ഡോളര്‍) എന്നീ രാജ്യങ്ങളും ആദ്യ പത്തിലിടം നേടി. 

48.9 ലക്ഷം കോടി ഡോളറാണ് പട്ടികയില്‍ ഒന്നാം സ്ഥാനത്തുള്ള അമേരിക്കയുടെ ആസ്തി. ചൈനയും ജപ്പാനുമാണ് രണ്ടും മൂന്നും സ്ഥാനത്ത്. യഥാക്രമം 17.4 ലക്ഷം കോടി ഡോളറും 15.1 ലക്ഷം കോടി ഡോളറുമാണ് ഈ രാജ്യങ്ങളുടെ മൊത്തം ആസ്തി. 

യുണൈറ്റഡ് കിംഗ്ഡം, ജര്‍മനി, ഫ്രാന്‍സ് എന്നീ രാജ്യങ്ങള്‍ എന്നീ രാജ്യങ്ങളും ആദ്യ പത്തിലുണ്ട്. യഥാക്രമം നാല്, അഞ്ച്, ആറ് സ്ഥാനങ്ങളിലാണ് ഈ രാജ്യങ്ങള്‍. 2016 ജൂണ്‍ വരെയുള്ള കണക്കുകള്‍ പ്രകാരമാണ് തെരഞ്ഞെടുപ്പു നടത്തിയത്.