ഒമാനിൽ കാർഗോനിരക്കുകൾ വർധിച്ചു. കാർഗോ വഴിയുള്ള പാഴ്​സലുകൾക്ക്​ ജി.എസ്​.ടി ഏർപ്പെടുത്തിയതി​നെ തുടർന്ന്​ നിരക്കുകളിൽ വർധന വരുത്താൻ തങ്ങൾ നിർബന്ധിതരാവുകയാണെന്ന്​ ഏജൻറുമാർ അറിയിച്ചു.

നേര​ത്തെ ഒരു കിലോഗ്രാമിന്​ ഒരു റിയാൽ മുന്നൂറ്​ ബൈസയായിരുന്നു നിരക്ക്​. ഇത്​ ഒരു റിയാൽ അറുനൂറ്​ ബൈസയായാണ്​ വർധിപ്പിച്ചത്​. പ്രവാസികൾ നാട്ടിലേക്ക്​ അയക്കുന്ന ഇരുപതിനായിരം രൂപ വരെയുള്ള സാധനങ്ങൾക്ക്​ അനുവദിച്ചിരുന്ന നികുതിയിളവാണ്​ ജി.എസ്​.ടിയുടെ വരവോടെ ഇല്ലാതായത്​. 24 വർഷമായി അനുവദിച്ചിരുന്ന നികുതിയിളവ്​ പ്രത്യേക ഉത്തരവിലൂടെ യാതൊരു മുന്നറിയിപ്പുമില്ലാതെയാണ്​ ഒഴിവാക്കിയത്​. ജൂൺ മുപ്പതിന്​ അർധരാത്രിയാണ്​ ഇതുസംബന്ധിച്ച അറിയിപ്പ്​ തങ്ങൾക്ക്​ ലഭിക്കുന്നതെന്നും ഏജൻറുമാർ അറിയിച്ചു.

നികുതി ഉയർന്നതോടെ കാർഗോ അയക്കുന്നവരുടെ എണ്ണത്തിൽ കുറവുണ്ടായിട്ടുമുണ്ട്​. മുംബൈ, ഡല്‍ഹി, ബംഗളൂരു, കൊച്ചി വിമാനത്താവളങ്ങൾ വഴിയാണ്​ ഒമാനിൽ നിന്നുള്ളതടക്കമുള്ള കാർഗോ ഏജൻറുമാർ സാധനങ്ങൾ നാട്ടിലെത്തിക്കുന്നത്