ജിഎസ്ടി റിട്ടേണ്‍ തീയതി കേന്ദ്ര സര്‍ക്കാര്‍ ഒക്ടോബര്‍ 15 വരെ നീട്ടി
വ്യാപാരികളുടെ പ്രതിഷേധത്തെ തുടർന്ന് കേന്ദ്ര സര്‍ക്കാര്‍ ജിഎസ്ടി റിട്ടേണ്‍ ഫയല്‍ ചെയ്യുന്നതിനുള്ള തീയതി വീണ്ടും നീട്ടി. ഒക്ടോബര്‍ 15 വരെയാണ് നീട്ടിയിരിക്കുന്നത്. ജിഎസ്ടി റിട്ടേണ്‍ ഫയല്‍ ചെയ്യാന്‍ സാധിക്കാതെ വന്നത് രജിസ്റ്റര്‍ ചെയ്ത നിരവധി വ്യാപാരികളെ ബുദ്ധിമുട്ടിലാക്കിയിരുന്നു. നെറ്റ്‌വര്‍ക്കിലെ പ്രശ്‌നങ്ങള്‍ മൂലം ഒട്ടേറെ വ്യാപാരികള്‍ക്ക് ജൂലൈ മാസത്തെ റിട്ടേണ്‍ പോലും ഫയല്‍ ചെയ്യാന്‍ കഴിഞ്ഞിരുന്നില്ല. താമസം നേരിടുമ്പോള്‍ വ്യാപാരികള്‍ പിഴ നല്‍കുകയും വേണം.
ഇത് വന്‍ പ്രതിഷേധത്തിനിടയാക്കിയിരുന്നു. ഈ സാഹചര്യത്തിലാണ് സര്‍ക്കാര്‍ തീയതി നീട്ടി നല്‍കിയത്. അതിനിടെ, ചെറുകിട, ഇടത്തരം സ്ഥാപനങ്ങള്‍ക്ക് മൂന്നു മാസത്തിലൊരിക്കല്‍ റിട്ടേണ്‍ സമര്‍പ്പിക്കാനുള്ള സൗകര്യത്തെ കുറിച്ച് കേന്ദ്ര സര്‍ക്കാര്‍ ആലോചിക്കുന്നു. മാസം തോറും നികുതി അടക്കുക, എന്നാല്‍ റിട്ടേണ്‍ ത്രൈമാസത്തില്‍ നല്‍കുക എന്ന രീതിയാണ് സര്‍ക്കാര്‍ ആലോചിക്കുന്നത്.
https://www.facebook.com/Malayalivartha
