ബി.എസ്.എന്‍.എല്‍ സൗജന്യ കോള്‍ സൗകര്യം നിര്‍ത്തലാക്കുന്നു
ബി.എസ്.എന്‍.എല്‍ ലാന്‍ഡ് ഫോണുകളില്‍ ഞായറാഴ്ചകളില്‍ നല്‍കിവന്ന 24 മണിക്കൂര്‍ സൗജന്യ കോള്‍ സൗകര്യം നിര്‍ത്തലാക്കുന്നു. ഫെബ്രുവരി ഒന്നുമുതല്‍ ഈ സൗകര്യം ലഭ്യമാകില്ലെന്ന് കാട്ടി ബി.എസ്.എന്‍.എല്‍ എല്ലാ സര്‍ക്കിളുകള്‍ക്കും സര്‍ക്കുലറയച്ചു. ഉപഭോക്താക്കളെ മുന്‍കൂട്ടി വിവരമറിയിക്കണമെന്നും സര്‍ക്കുലറിലുണ്ട്.
മൊബൈല്‍ ഫോണുകളുടെ കടന്നുകയറ്റത്തില്‍ ലാന്‍ഡ്‌ഫോണുകളെ സംരക്ഷിക്കുകയും പ്രചാരം വര്‍ധിപ്പിക്കുകയും ചെയ്യുക എന്ന ലക്ഷ്യത്തോടെ പ്രഖ്യാപിച്ച ആനൂകൂല്യങ്ങളിലൊന്നാണ് ഞായറാഴ്ചകളിലെ സൗജന്യവിളി സൗകര്യം. ഞായറാഴ്ചകളില്‍ 24 മണിക്കൂര്‍ സൗജന്യമായി വിളിക്കുന്ന ഓഫര്‍ ഒഴിവാക്കുമ്പോഴും രാത്രിയില്‍ ലഭിക്കുന്ന നൈറ്റ് ഓഫര്‍ ലഭ്യമാകുമെന്നാണ് അധികൃതരുടെ വിശദീകരണം.
ജനുവരി ഒന്നിനുതന്നെ ഹിമാചല്‍പ്രദേശ് സര്‍ക്കിളില്‍ ഞായറാഴ്ചകളിലെ 24 മണിക്കൂര്‍ സൗജന്യ കോള്‍ ഓഫര്‍ പിന്‍വലിച്ചിരുന്നു.
https://www.facebook.com/Malayalivartha
