പുതിയ കരുത്തും ആഡംബര ഇന്റീരിയറും ആകര്‍ഷക രൂപകല്‍പ്പനയുമായി മഹീന്ദ്ര എക്‌സ്‌യുവി 500ന്റെ പരിഷ്‌കരിച്ച മോഡലുകള്‍ കേരളത്തിലെ നിരത്തിലെത്തി. സസ്‌പെന്‍ഷനിലും ക്യാബിനിലും വരുത്തിയ മാറ്റങ്ങളിലൂടെ ആയാസരഹിതമായ യാത്ര വാഗ്ദാനംചെയ്യുന്നു. എക്‌സ്യുവി 500 കരുത്തിലും ടോര്‍ക്കിലും പ്രീമിയം എസ്യുവി രംഗത്ത് എതിരാളികളെയെല്ലാം മറികടക്കുമെന്ന് മഹീന്ദ്ര ആന്‍ഡ് മഹീന്ദ്ര ഓട്ടോമോട്ടീവ് സെയില്‍സ് വിഭാഗം വൈസ് പ്രസിഡന്റ് അമിത് സാഗര്‍ പറഞ്ഞു.

12.45 ലക്ഷം രൂപമുതലാണ് കൊച്ചിയിലെ എക്‌സ് ഷോറൂം വില. പുതിയ പതിപ്പ് ഡീലര്‍ഷിപ്പുകളില്‍ ലഭ്യമായിത്തുടങ്ങി. 155 ബിഎച്ച്പി കരുത്തും 360 എന്‍എം ടോര്‍ക്കും വാഗ്ദാനംചെയ്യുന്ന എം ഹോക് എന്‍ജിനാണ് എക്‌സ്യുവി 500ന്റെ കരുത്ത് .സുരക്ഷിതയാത്രയ്ക്കായി ഫ്രണ്ട്, സൈഡ്, കര്‍ട്ടന്‍ എന്നിവിടങ്ങളിലായി ആറ് എയര്‍ബാഗുകള്‍, ഇബിഡിയോടുകൂടി എബിഎസ്, ഇഎസ്പി, ഹൈറേഞ്ച് യാത്രകള്‍ക്കായി ഹില്‍ ഹോള്‍ഡ് ആന്‍ഡ് ഡിസെന്റ് കണ്‍ട്രോള്‍, എല്ലാ വീലിലും ഡിസ്‌ക് ബ്രേക്ക് എന്നിവയും ഇതിന്റെ സവിശേഷതകളാണ്. എമര്‍ജന്‍സി കോളിങ് സംവിധാനവും ഇതില്‍ ഒരുക്കിയിട്ടുണ്ട്.