ഐഫോണുകളുടെ കാലം കഴിഞ്ഞെന്ന് വിശ്വസിക്കുന്നവര്‍ നിരവധിയാണ്. അടുത്തിടെ ഉണ്ടായ സാങ്കേതിക പ്രശ്‌നങ്ങളും മറ്റും ഐഫോണിന്റെ പ്രിയം കുറയ്ക്കുകയും ചെയ്തിരുന്നു. എന്നാല്‍ തങ്ങള്‍ എക്കാലത്തെയും ബെസ്റ്റ് ആണെന്ന് ദിവസം തോറും തെളിയിക്കുകയാണ് ആപ്പിള്‍. ആപ്പിള്‍ കഴിഞ്ഞ മൂന്ന് മാസത്തിനുള്ളില്‍ വിറ്റഴിച്ചത് 52.2 മില്ല്യണ്‍ ഐഫോണുകളാണ്. മാര്‍ച്ചില്‍ അവസാനിച്ച പാദ വാര്‍ഷിക കണക്ക് പ്രകാരമാണ് ആപ്പിള്‍ കമ്ബനി തങ്ങള്‍ 52.2 മില്ല്യണ്‍ ഫോണുകള്‍ വിറ്റഴിച്ചതായി വ്യക്തമാക്കിയത്. 

വരുന്ന പാദത്തില്‍ 51.5 ബില്ല്യണ്‍ മുതല്‍ 53.5 ബില്ല്യണ്‍ ഡോളറിന്റെ വരുമാനമുണ്ടാക്കാന്‍ കഴിയുമെന്നാണ് കമ്പനിയുടെ കണക്ക് കൂട്ടല്‍. ചൊവ്വാഴ്ച ആപ്പിളിന്റെ ഓഹരികളില്‍ രണ്ട് ശതമാനം വര്‍ദ്ധനവ് ഉണ്ടായി.
ഉപഭോക്താക്കള്‍ പ്രധാനമായും 999 ഡോളറിന്റെ ഐ ഫോണ്‍ എക്‌സ് ആണ് പ്രധാനമായും വാങ്ങിയത്. ഉപഭോക്താക്കളില്‍ ഏറ്റവും പ്രീയം കൂടിയ ഫോണാണ് ഐഫോണ്‍ എക്‌സ്. 

മാര്‍ച്ചില്‍ അവസാനിച്ച പാദത്തില്‍ 61.1 ബില്ല്യണ്‍ ഡോളറിന്റെ വരുമാനമാണ് ആപ്പിള്‍ ഉണ്ടാക്കിയത്. കഴിഞ്ഞ വര്‍ഷം അവസാനിച്ച പാദ വാര്‍ഷിക കണക്ക് പ്രകാരം 52.9 ബില്ല്യണ്‍ ഡോളറിന്റെ വരുമാനമാണ് ഐഫോണ്‍ ഉണ്ടാക്കിയത്‌