റേഞ്ച് റോവറിന്റെ രണ്ട് മോഡലുകള്‍ പുതിയ എന്‍ജിന്‍ കരുത്തില്‍ വിപണിയിലേക്ക് എത്തുന്നു. ഇവോകും ഡിസ്‌കവറി സ്‌പോര്‍ട്ടുമാണ് പുതിയ 2.0 ലിറ്റര്‍ ഇഗ്‌നിയം പെട്രോള്‍ മോട്ടോറിന്റെ കരുത്തില്‍ വിപണിയിലേക്ക് എത്താന്‍ ഒരുങ്ങുന്നത്.
ജാഗ്വാര്‍ കാറുകളില്‍ ഉപയോഗിച്ച ഈ എന്‍ജിനുകള്‍ റേഞ്ച് റോവര്‍ സീരിസിലേക്ക് എത്തിയിരുന്നില്ല. പുതിയ എന്‍ജിനുമായെത്തുന്ന ഡിസ്‌കവറി സ്‌പോര്‍ട്ട് 49.20 ലക്ഷത്തിന് വിപണിയില്‍ ലഭ്യമാവും. ഇവോക്കിന് ഏകദേശം 51.06 ലക്ഷം രൂപയാണ് വില. മികച്ച ഇന്ധനക്ഷമത പ്രദാനം ചെയ്യുന്നതാണ് റേഞ്ച് റോവറിന്റെ ഇഗ്‌നിയം എന്‍ജിന്‍. ടര്‍ബോ ലാഗ് ഒഴിവാക്കി മികച്ച പവര്‍ ഔട്ട്പുട്ട് നല്‍കാന്‍ ഇഗ്‌നിയം എന്‍ജിനുകള്‍ക്ക് സാധിക്കും.

240 പി.എസ് പവറും 340 എന്‍.എം ടോര്‍ക്കും പുതിയ എന്‍ജിനില്‍ നിന്ന് ലഭിക്കും. എട്ട് സ്പീഡ് സെഡ്.എഫ് ഓട്ടോമാറ്റിക് ട്രാന്‍സ്മിഷനില്‍ കമ്പനി മാറ്റമൊന്നും വരുത്തിയിട്ടില്ല.