ജര്‍മ്മന്‍ ആഡംബര കാര്‍ നിര്‍മാതാക്കളായ ഔഡി കാറുകള്‍ക്ക് വന്‍ കിഴിവ് നല്‍കുന്നു. വിവിധ മോഡലുകള്‍ക്ക് 2.74 ലക്ഷം മുതല്‍ 9.70 ലക്ഷം വരെയാണ് കിഴിവ് നല്‍കിയിരിക്കുന്നത്. A3, A4, A6, Q3 തുടങ്ങിയ മോഡലുകള്‍ക്കാണ് കിഴിവ് നല്‍കുന്നത്.

ഔഡിയുടെ വില കുറഞ്ഞ കാറുകളിലൊന്ന A3ക്ക് 5.11 ലക്ഷം രൂപം വരെയാണ് കിഴിവ്. 33.10 ലക്ഷം വിലയുള്ള A3ക്ക് ഇനി 27,99 രൂപയാണ് വില. A4ന് 5.48 ലക്ഷം രൂപ കുറച്ച് 35.99 ലക്ഷമായിരിക്കും വില. A6 Q 3 എന്നിവക്ക് യഥാക്രമം 9.70 ലക്ഷവും 2.74 ലക്ഷവുമായിരിക്കും ഔഡി കിഴിവ് നല്‍കുക.

പ്രതിമാസ തവണയില്‍ കാര്‍ വാങ്ങുന്നവര്‍ക്കും ഔഡി പ്രത്യേക ഓഫറുകള്‍ നല്‍കുന്നുണ്ട്. ഇതുപ്രകാരം 2018ല്‍ വാങ്ങുന്ന കാറിന് 2019 മുതല്‍ ഇ.എം.ഐ അടച്ചാല്‍ മതിയാകും. പരിമിതകാല ഓഫറായിരിക്കും ഇതെന്നാണ് ഔഡിയുടെ കണക്കുകൂട്ടല്‍.