സൗജന്യമായി ബാങ്ക് ഇടപാടുകള്‍ നടത്താനുള്ള പുതിയ ആപ് പേടിഎം അവതരിപ്പിച്ചു. പേടിഎം ആപ് ഉപയോഗിച്ച് ഒരു ബാങ്കില്‍ നിന്ന് മറ്റൊരു ബാങ്കിലേക്ക് പണം ട്രാന്‍സ്ഫര്‍ ചെയ്യുമ്പോള്‍ ഓരോ ഉപയോക്താവിനും 100 രൂപ വീതം റിവാര്‍ഡ് ലഭിക്കും. പേടിഎം ആപ് ഉപയോഗിക്കുന്നതിന് കെ.വൈ.സി. ആവശ്യമില്ല. 
നൂറു രൂപ റിവാര്‍ഡായി ലഭിക്കാന്‍ പേടിഎം ആപ്പിലെ ബാങ്ക് ട്രാന്‍സ്ഫറില്‍ പ്രവേശിച്ച് സ്വന്തം ബാങ്ക് സെലക്ട് ചെയ്യണം. ഉടന്‍ ഓട്ടോമാറ്റിക്കായി, ആപ്, ബാങ്ക് അക്കൗണ്ടുമായി ബന്ധിപ്പിക്കപ്പെടും. അപ്പോള്‍ തന്നെ 10 രൂപ ബാങ്ക് അക്കൗണ്ടിലെത്തും.
ഏത് ബാങ്ക് അക്കൗണ്ടിലേക്കോ, ഗുണഭോക്താവിന്റെ ഐ.എഫ്.എസ്.സി. കോഡുവഴിയോ, ആധാര്‍ വഴിയോ തത്സമയം പണം അയക്കുമ്പോള്‍ 50 രൂപ നിങ്ങളുടെ അക്കൗണ്ടില്‍ ക്രെഡിറ്റ് ആകും. മൊബൈല്‍ റീച്ചാര്‍ജിനോ മറ്റു ബില്ലുകള്‍ അടയ്ക്കാനോ പേടിഎം ആപ്പിലെ ഭീം യു.പി.ഐ. ഉപയോഗിച്ചാല്‍ അക്കൗണ്ടിലേയ്ക്ക് 30 രൂപ ക്രെഡിറ്റ് ചെയ്യപ്പെടും. 
പേടിഎം ആപ്പിലെ ബാങ്ക് ട്രാന്‍സ്ഫര്‍ വഴി ഏതു ബാങ്കിലേയ്ക്കും പണം അയക്കുന്ന ഓരോ ഇടപാടിനും 200 രൂപ ഉറപ്പായും ലഭിക്കും.