ഇന്ത്യന്‍ രൂപയുടെ വിനിമയ മൂല്യം യു.എസ് ഡോളറിനെതിരെ ചരിത്രത്തിലെ ഏറ്റവും കുറഞ്ഞ നിലയിലേക്ക്. 68.87ല്‍ വ്യാപാരം ആരംഭിച്ചു. ഇത് ഒരു സമയത്ത് 69ഉം കടന്ന് മുന്നേറുകയും ചെയ്തു. ആഗോള വിപണിയില്‍ ഇന്ധനവില വര്‍ധിച്ചതും യു.എസ്‌ചൈന വ്യാപാര പ്രശ്‌നങ്ങളുമെല്ലാം രൂപയുടെ മൂല്ല്യം ഇടിയുന്നതിന് കാരണമായത്. ഡോളറിനുള്ള കൂടുതല്‍ ആവശ്യകതയും രൂപയുടെ മുല്ല്യം ഇടിയുന്നതിനുള്ള കാരണമായി.

ബാങ്കുകളും ഇറക്കുമതി ചെയ്യുന്നവരും കൂടുതലായി ഡോളര്‍ വാങ്ങിക്കൂട്ടുകയും ചെയ്തു. ഗള്‍ഫ് ഉള്‍പ്പെടെയുള്ള വിദേശ രാജ്യങ്ങളില്‍ നിന്ന് ഇന്ത്യയിലേക്ക് പണമയക്കുന്ന പ്രവാസികള്‍ക്ക് വന്‍ നേട്ടമാണ് വിനിമയ നിരക്കിലുള്ള ഇടിവ് സമ്മാനിക്കുന്നത്. അതേസമയം, സെന്‍സെക്‌സ് 58.80 പോയിന്റ് ഇടിഞ്ഞ് 35,158.31ലാണ് ഇന്ന് വ്യാപാരം ആരംഭിച്ചത്. നിഫ്റ്റി 32.95 പോയിന്റ് ഇടിഞ്ഞ് 10,638.45ലും വ്യാപാരം ആരംഭിച്ചു.