സംസ്ഥാനത്ത് ഇന്ന് സ്വര്‍ണവിലയില്‍ മാറ്റമില്ല. ഒരു പവന്‍ സ്വര്‍ണത്തിന് 38,040 രൂപയും ഗ്രാമിന് 4755 രൂപയുമാണ് ഇന്നത്തെ വില. ഇന്നലെ രാവിലെ 37800 രൂപയായിരുന്ന സ്വര്‍ണവില ഉച്ചയ്ക്ക് ശേഷം 240 രൂപ കൂടി 38,040 രൂപയിലെത്തി.


വ്യാഴാഴ്ച സ്വര്‍ണവില രണ്ടു തവണ വര്‍ദ്ധിച്ചിരുന്നു. രാവിലെ വ്യാപാരം തുടങ്ങിയപ്പോള്‍ ഒരു പവന്‍ സ്വര്‍ണത്തിന് 280 രൂപ വര്‍ധിച്ച് 38,000 രൂപയായിരുന്നു. ഉച്ചയ്ക്കു ശേഷം സ്വര്‍ണവില വീണ്ടും പവന് 200 രൂപ കൂടി 38,200 രൂപയായി. വ്യാഴാഴ്ച ഒറ്റ ദിവസംകൊണ്ട് സ്വര്‍ണവില പവന് 480 രൂപയാണ് വര്‍ധിച്ചത്.

ഓഗസ്റ്റ് മാസത്തിലെ ഏറ്റവും ഉയര്‍ന്ന നിരക്കിലാണ് (38,200 രൂപ) വ്യാഴാഴ്ച സ്വര്‍ണ വ്യാപാരം നടന്നത്. ബുധനാഴ്ച സ്വര്‍ണവില കുറഞ്ഞിരുന്നു. പവന് 160 രൂപയും ഗ്രാമിന് 20 രൂപയുമാണ് ബുധനാഴ്ച കുറഞ്ഞത്.


ഒരു പവന് 37,880 രൂപയും ഗ്രാമിന് 4735 രൂപയുമായിരുന്നു ചൊവ്വാഴ്ച വില. പവന് 200 രൂപയും ഗ്രാമിന് 25 രൂപയുമായിരുന്നു ചൊവ്വാഴ്ച കൂടിയത്. ഓഗസ്റ്റ് ഒന്നിന് ഈ മാസത്തെ ഏറ്റവും കുറഞ്ഞ നിരക്കിലായിരുന്നു സ്വര്‍ണവില. 37,680 രൂപയായിരുന്നു ഓഗസ്റ്റ് ഒന്നിന് ഒരു പവന്റെ വില.