തുടര്‍ച്ചയായി രണ്ട് ദിവസം മാറ്റമില്ലാതിരുന്ന സ്വര്‍ണവില ഇന്ന് ഈ മാസത്തെ ഏറ്റവും ഉയര്‍ന്ന നിരക്കില്‍. പവന് 320 രൂപയുടെ വര്‍ധനവാണ് ഇന്നുണ്ടായിരിക്കുന്നത്.

ഒരു പവന് ഇന്നത്തെ വില 38,360 രൂപയാണ്. ഗ്രാമിന് 40 രൂപ കൂടി 4795 രൂപയായി. ഇന്നലെ ഗ്രാമിന് 4755 രൂപയും പവന് 38040 രൂപയുമായിരുന്നു വില. ശനിയാഴ്ച രാവിലെ 37800 രൂപയായിരുന്ന സ്വര്‍ണവില ഉച്ചയ്ക്ക് ശേഷം 240 രൂപ കൂടി 38,040 രൂപയിലെത്തിയിരുന്നു.

വ്യാഴാഴ്ചയും സ്വര്‍ണവില രണ്ടു തവണ വര്‍ദ്ധിച്ചിരുന്നു. വ്യാഴാഴ്ച്ച രാവിലെ വ്യാപാരം തുടങ്ങിയപ്പോള്‍ ഒരു പവന്‍ സ്വര്‍ണത്തിന് 280 രൂപ വര്‍ധിച്ച് 38,000 രൂപയായിരുന്നു. ഉച്ചയ്ക്കു ശേഷം സ്വര്‍ണവില വീണ്ടും പവന് 200 രൂപ കൂടി 38,200 രൂപയായി.