സംസ്ഥാനത്ത് സ്വര്‍ണ്ണവിലയില്‍ നേരിയ വര്‍ദ്ധന. ഗ്രാമിന് 10 രൂപയാണ് വര്‍ദ്ധിച്ചത്. ഇതോടെ ഒരു പവന്‍ സ്വര്‍ണ്ണത്തിന് 36,760 രൂപയായി. ഇന്നലെ ഗ്രാമിന് പത്ത് രൂപ കുറഞ്ഞ് സ്വര്‍ണ്ണവില 4,585 രൂപയിലെത്തിയിരുന്നു.


വെള്ളിയാഴ്ച സ്വര്‍ണ്ണവിലയില്‍ 40 രൂപ കുറഞ്ഞിരുന്നു. പിറ്റേന്ന് 15 രൂപയുടെ വര്‍ദ്ധവും ഉണ്ടായി. ഇതോടെഒരു ഗ്രാം സ്വര്‍ണത്തിന്റെ വില 4,595 രൂപയിലെത്തിയിരുന്നു. ഒരു പവന്‍ സ്വര്‍ണത്തിന്റെ വില 36,760 ലും എത്തിയിട്ടുണ്ടായിരുന്നു.


സ്വര്‍ണ്ണവില തുടര്‍ച്ചയായി നാല് ദിവസം മാറ്റമില്ലാതെ തുടര്‍ന്നതിന് ശേഷമാണ് സ്വര്‍ണവിലയില്‍ ഈ മാസം 14ന് ഇടിവ് രേഖപ്പെടുത്തിയത്. അന്ന് 35 രൂപയുടെ കുറവാണ് സ്വര്‍ണവിലയില്‍ ഉണ്ടായിരുന്നത്.

അതേസമയം വെള്ളിയുടെ നിരക്ക് മാറ്റമില്ലാതെ തുടരുകയാണ്.