സംസ്ഥാനത്ത്  സ്വര്‍ണവിലയില്‍ നേരിയ വര്‍ദ്ധനവ്. ഇന്ന് 10 രൂപ വര്‍ദ്ധിച്ച് ഗ്രാമിന് 4,655 രൂപയായി. പവന് 80 രൂപ വര്‍ദ്ധിച്ച് 37,240 രൂപയായി. കഴിഞ്ഞ മൂന്ന് ദിവസമായി സ്വര്‍ണ്ണവില മാറ്റമില്ലാതെ തുടരുന്നതിനിടയിലാണ് നാലാം ദിനം വര്‍ദ്ധനവ് രേഖപ്പെടുത്തിയത്.


അന്താരാഷ്ട്ര വിപണിയില്‍ സ്വര്‍ണ്ണം ഔണ്‍സിന് 1,653 ഡോളര്‍ രേഖപ്പെടുത്തി. ഇതോടെയാണ് സ്വര്‍ണവില ഉയര്‍ന്നത്. ഗ്രാമിന് 4,645 രൂപയും പവന് 37,160 രൂപയുമായിരുന്നു ഇന്നലത്തെ വില.

അതേസമയം വെള്ളിയുടെ വിലയില്‍ മാറ്റമില്ല. ഒരു ഗ്രാം സാധാരണ വെള്ളിക്ക് 62 രൂപയാണ്, ഹാള്‍മാര്‍ക്ക് വെള്ളിയുടെ വിലയിലും മാറ്റമില്ല. ഒരു ഗ്രാം ഹാള്‍ മാര്‍ക്ക് വെള്ളിയുടെ വില 90 രൂപയാണ്.