സംസ്ഥാനത്ത് സ്വര്‍ണവിലയില്‍ ഇടിവ്.... പവന്  160 രൂപ കുറഞ്ഞു. തുടര്‍ച്ചയായ നാലാം ദിവസമാണ് സ്വര്‍ണവിലയില്‍ ഇടിവുണ്ടാകുന്നത്. ഇന്ന് ഒരുപവന്‍ സ്വര്‍ണത്തിന് 160 രൂപയാണ് കുറഞ്ഞത്.

നാല് ദിവസംകൊണ്ട് 640 രൂപയുടെ ഇടിവാണുണ്ടായത്. ഇന്ന് ഒരു പവന്‍ സ്വര്‍ണത്തിന്റെ വിപണി വില 41,440 രൂപയായി. ഒരുഗ്രാം 22 കാരറ്റ് സ്വര്‍ണത്തിന് ഇന്ന് 20 രൂപയാണ് കുറഞ്ഞത്. ഇന്നത്തെ വിപണിവില 5180 രൂപയാണ്.

വെള്ളിയുടെ വിലയിലും കുറവുണ്ട്. വെള്ളിക്ക് ഇന്ന് കുറഞ്ഞത് ഒരുരൂപയാണ്. ഒരുഗ്രാം വെള്ളിയുടെ വില 71 രൂപയാണ്. എന്നാല്‍ ഹാള്‍മാര്‍ക്ക് വെള്ളിയുടെ വിലയില്‍ മാറ്റമില്ല. ഒരുഗ്രാമിന് 90 രൂപയാണ് വില.


അതേസമയം വില കൂടിയാലും കുറഞ്ഞാലും സ്വര്‍ണത്തെ സുരക്ഷിത നിക്ഷേപമായാണ് കേരള ജനത എന്നും കാണുന്നത്. നിക്ഷേപ മൂല്യം എന്നതിലുപരി സ്വര്‍ണത്തെ ആഭരണങ്ങളായും നാണയങ്ങളായും കൈവശം വെയ്ക്കാന്‍ ആളുകള്‍ താത്പര്യപ്പെടുന്നു. സ്വര്‍ണത്തിന്റെ രാജ്യാന്തര വില, ഡോളര്‍ രൂപ വിനിമയ നിരക്ക്, ഇറക്കുമതി തീരുവ എന്നിവ അടിസ്ഥാനമാക്കിയാണ് സംസ്ഥാനത്ത് സ്വര്‍ണ വില നിര്‍ണയിക്കപ്പെടുന്നത്.