വീണ്ടും കുതിച്ചുയര്‍ന്ന് സ്വര്‍ണവില. ഇന്ന് 560 രൂപയുടെ വര്‍ദ്ധനവാണ് സ്വര്‍ണത്തിന് പവന്‍ വിലയിലുണ്ടായിരുന്നത്. ഇന്നലെ 240 രൂപയാണ് ഉയര്‍ന്നത്. കഴിഞ്ഞ അഞ്ച് ദിവസങ്ങളിലായി 1840 രൂപയുടെ വര്‍ദ്ധനവാണ് ഉണ്ടായത്.


ഇന്നത്തെ വര്‍ദ്ധനവോടെ സംസ്ഥാനത്ത് സ്വര്‍ണവില പവന് 42,520 രൂപയായി ഉയര്‍ന്നു. മാര്‍ച്ച് മാസം ആദ്യമായാണ് സ്വര്‍ണം 42000 കടക്കുന്നത്. 22 കാരറ്റ് സ്വര്‍ണം ഗ്രാമിന് ഇന്ന് 75 രൂപയാണ് വര്‍ദ്ധിച്ചത്. ഇതോടെ ഗ്രാം വില 5315 രൂപയായി.

അതേസമയം ഇന്ന് വെള്ളിവിലയിലും വര്‍ദ്ധനവുണ്ടായി. സാധാരണ വെള്ളി ഗ്രാമിന് രണ്ട് രൂപ വര്‍ദ്ധിച്ച് 72 രൂപയായി. ഹാള്‍മാര്‍ക്ക് വെള്ളി ഗ്രാമിന് 90 രൂപയില്‍ തുടരുന്നു.