സംസ്ഥാനത്ത് ഇന്നും സ്വര്‍ണ വിലയില്‍ ഇടിവ്... ഇരുപത്തിരണ്ട് കാരറ്റ് ഒരു പവന്‍ സ്വര്‍ണത്തിന് 120 രൂപയാണ് ഇന്ന് കുറഞ്ഞത്. 43,960 രൂപയ്ക്കാണ് വ്യാപാരം നടക്കുന്നത്. ഗ്രാമിന് 15 രൂപ കുറഞ്ഞ് 5,495ലെത്തി. ഇന്നലെ പവന് 44,080 രൂപയും, ഗ്രാമിന് 5,510ഉം ആയിരുന്നു.

സ്വര്‍ണ വില കുത്തനെ ഇടിഞ്ഞുകൊണ്ടായിരുന്നു ഈ മാസം തുടങ്ങിയത്. സെപ്തംബര്‍ ഇരുപത്തിനാലിന് 44,240 രൂപയുണ്ടായിരുന്ന പവന് ഒക്ടോബര്‍ അഞ്ചിന് 41, 920 ലെത്തിയിരുന്നു.

പത്ത് ദിവസം കൊണ്ട് രണ്ടായിരം രൂപയിലധികമാണ് കുറഞ്ഞത്. സ്വര്‍ണം വാങ്ങാന്‍ ആഗ്രഹിക്കുന്നവരെ സംബന്ധിച്ച് സുവര്‍ണാവസരമായിരുന്നു ഇത്. എന്നാല്‍ ഈ മാസം അഞ്ച് മുതല്‍ വില വീണ്ടും കുതിച്ചുയരാന്‍ തുടങ്ങി. ഈ മാസം നാലാം തീയതി പവന് 1100 രൂപയാണ് ഒറ്റയടിക്ക് വര്‍ദ്ധിച്ചത്.