സംസ്ഥാനത്ത് മാറ്റമില്ലാതെ സ്വര്‍ണവില... പവന് 53,200 അതേസമയം ഇന്നലെ പവന് 560 രൂപയുടെ കുറവുണ്ടായി. സംസ്ഥാനത്ത് ഒരാഴ്ചയ്ക്ക് ശേഷമാണ് സ്വര്‍ണവിലയില്‍ കുറവുണ്ടായത്.

സര്‍വ്വകാല റെക്കോര്‍ഡില്‍ എത്തിയ സ്വര്‍ണവില ഇന്നലെ 560 രൂപ കുറഞ്ഞു.. ഒരു പവന് സ്വര്‍ണത്തിന്റെ ഇന്നലത്തെ വിപണി വില 53,200 രൂപയാണ്. ഒരു ഗ്രാം 22 കാരറ്റ് സ്വര്‍ണത്തിന്റെ വിപണി വില 6650 രൂപയാണ്. 18 കാരറ്റ് സ്വര്‍ണത്തിന്റെ വില 5560 രൂപയാണ്.

അതേസമയം വെള്ളിയുടെ വിലയും ഇന്നലെ കുറഞ്ഞു. ഒരു ഗ്രാം സാധാരണ വെള്ളിയുടെ വില 89 രൂപയാണ് ഹാള്‍മാര്‍ക്ക് വെള്ളിയുടെ വില 103 രൂപയുമാണ്. വില കൂടിയാലും കുറഞ്ഞാലും സ്വര്‍ണത്തെ സുരക്ഷിത നിക്ഷേപമായാണ് കേരള ജനത എന്നും കാണുന്നത്. നിക്ഷേപ മൂല്യം എന്നതിലുപരി സ്വര്‍ണത്തെ ആഭരണങ്ങളായും നാണയങ്ങളായും കൈവശം വെയ്ക്കാനായി ആളുകള്‍ താത്പര്യപ്പെടാറുണ്ട്.