സംസ്ഥാനത്ത് സ്വര്‍ണവിലയില്‍ മാറ്റമില്ല... പവന് 720 രൂപയുടെ കുറവാണ് ഇന്നലെ രേഖപ്പെടുത്തിയത്. കഴിഞ്ഞ രണ്ട് ദിവസങ്ങളിലായി 1500 രൂപയാണ് ഒരു പവന്‍ സ്വര്‍ണത്തിന്റെ വിലയില്‍ കുറവ് വന്നിട്ടുള്ളത്.

വിലയില്‍ മാറ്റമില്ലാത്തതിനാല്‍ ഇന്നും ഇതേ നിരക്കുകളിലാണ് വ്യാപാരം നടക്കുക. ആഗോള വിപണിയിലും വില കുറഞ്ഞിട്ടുണ്ട്.
ഒരു പവന്‍ സ്വര്‍ണത്തിന് ഇന്ന് നല്‍കേണ്ട വില 53,120 രൂപയാണ്. 55,000 തൊട്ട സ്വര്‍ണവില കുറഞ്ഞത് ആഭരണ പ്രേമികള്‍ക്ക് വലിയ ആശ്വാസമാണ്. മാത്രമല്ല, സ്വര്‍ണത്തില്‍ നിക്ഷേപിക്കുന്നവര്‍ക്കും ഇതൊരു അവസരമാണ്.

ഗ്രാമിന് 90 രൂപ കുറഞ്ഞ് വില 6,640 രൂപയായി. സംസ്ഥാനത്തെ ഏറ്റവും ഉയര്‍ന്ന നിരക്കാണ് തിങ്കളാഴ്ച രേഖപ്പെടുത്തിയിരുന്നത്. ഈ മാസം നാല് തവണ 54,720 രൂപ നിരക്കിലും വ്യാപാരം നടന്നിരുന്നു.