സംസ്ഥാനത്ത് ഇന്നും സ്വര്‍ണവിലയില്‍ മാറ്റമില്ല. തുടര്‍ച്ചയായ മൂന്നാം ദിനമാണ് സ്വര്‍ണവില ഒരേ നിരക്കില്‍ തുടരുന്നത്. കഴിഞ്ഞ ആഴ്ചയില്‍ ഏറിയും കുറഞ്ഞും സ്വര്‍ണവിലയില്‍ ചാഞ്ചാട്ടമുണ്ട്. ശനിയാഴ്ച പവന് 280 രൂപയുടെ വര്‍ധനവാണുണ്ടായത്. ഒരു പവന്‍ സ്വര്‍ണത്തിന്റെ ഇന്നത്തെ വിപണി വില 53,560 രൂപയാണ്.

വന്‍ തോതിലുള്ള നിക്ഷേപവും, ലാഭം എടുക്കലും തുടരുന്നതിനാല്‍, സ്വര്‍ണ്ണവിലയില്‍ ചാഞ്ചാട്ടം തുടര്‍ന്നാലും വില വര്‍ദ്ധനവവിന് തന്നെയാണ് സാധ്യതയെന്നാണ് വിദഗ്ദരുടെ അഭിപ്രായം. ഒരു ഗ്രാം 22 കാരറ്റ് സ്വര്‍ണത്തിന്റെ വില 6695 രൂപയാണ്. ഒരു ഗ്രാം 18 കാരറ്റ് സ്വര്‍ണത്തിന്റെ വില 5540 രൂപയാണ്.

അതേസമയം വെള്ളിയുടെ വില ഇന്ന് മാറ്റമില്ലാതെ തുടരുന്നു. ഒരു ഗ്രാം സാധാരണ വെള്ളിയുടെ വില 93 രൂപയാണ്.