സംസ്ഥാനത്ത് ഇന്ന് സ്വര്‍ണവിലയില്‍ കുറവ്... പവന് 80 രൂപയുടെ കുറവ്. നാല് ദിവസങ്ങള്‍ക്ക് ശേഷം ഇന്നലെ സ്വര്‍ണവില ഉയര്‍ന്നിട്ടുണ്ടായിരുന്നു. ഇന്ന് പവന് 80 രൂപയുടെ ഇടിവാണ് ഉണ്ടായത്.

ഒരു പവന്‍ സ്വര്‍ണത്തിന്റെ ഇന്നത്തെ വിപണി വില 53,640 രൂപയാണ്. ഇന്നലെ പവന് 280 രൂപയാണ് ഉയര്‍ന്നത്. ഒരു മാസത്തിനുള്ളിലെ ഏറ്റവും ഉയര്‍ന്ന നിലയാണ് ഇന്നലെ വ്യാപാരം നടന്നത്.

ഇന്ന് വില കുറഞ്ഞത് ഉപഭോക്താക്കള്‍ക്ക് ഏറെ ആശ്വാസകരമായി. വിപണിയില്‍ ഒരു ഗ്രാം 22 കാരറ്റ് സ്വര്‍ണത്തിന്റെ വില 6705 രൂപയാണ്.
ഒരു ഗ്രാം 18 കാരറ്റ് സ്വര്‍ണത്തിന്റെ വില 5560 രൂപയാണ്.

അതേസമയം വെള്ളിയുടെ വില ഇന്നലെ ഉയര്‍ന്നിട്ടുണ്ടായിരുന്നു. ഒരു രൂപയാണ് വര്‍ധിച്ചത്. ഇന്ന് വെള്ളിയുടെ വിലയില്‍ മാറ്റമില്ല. ഒരു ഗ്രാം സാധാരണ വെള്ളിയുടെ വില 90 രൂപയാണ്.