സംസ്ഥാനത്ത് സ്വര്‍ണനിലയില്‍ മാറ്റമില്ല. ഇന്നലെ 200 രൂപ വര്‍ധിച്ച് 56,960 രൂപയായിരുന്നു. ഗ്രാമിന് 7120 രൂപയാണ് വില. ഈ മാസം നാലാം തീയതി 56,960 രൂപയായിരുന്ന സ്വര്‍ണവില പിന്നീടങ്ങോട്ട് ഇടിയുകയായിരുന്നു. ഒക്ടോബര്‍ 11ന് ഒറ്റയടിക്ക് 560 രൂപ വര്‍ദ്ധിച്ചിട്ടുണ്ടായിരുന്നു.


ഈ മാസത്തിന്റെ ആദ്യ ദിനം 56,400 രൂപയാണ് സ്വര്‍ണത്തിന് രേഖപ്പെടുത്തിയത്. പിന്നെ അങ്ങോട്ട് സ്വര്‍ണവിലയില്‍ വര്‍ദ്ധനവാണുണ്ടായിരിക്കുന്നത്. ഒക്ടോബര്‍ 4 ന് ഈ മാസത്തെ ഏറ്റവും കൂടിയ വിലയായി 56960 എത്തിയിരുന്നു. തുടര്‍ന്ന് കുറഞ്ഞ സ്വര്‍ണവില ഇപ്പോഴിതാ വീണ്ടും അതേവിലയിലെത്തിയിരക്കുകയാണ്.