രാജ്യത്തെ മുൻനിര ടെലികോം സേവനദാതാക്കളായ റിലയൻസ് ജിയോയുടെ പുതിയ ഫോണായ ജിയോ ഫോണ്‍ 2 ജൂലായ് മാസം ആണ് ഇന്ത്യൻ വിപണിയിലേയ്ക്ക് അവതരിപ്പിച്ചത്. പുത്തൻ മോഡൽ ആഗസ്റ്റ് 16ന് 12 മണി മുതല്‍ ' jio.com ' വഴി വില്‍പ്പന ആരംഭിക്കുമെന്ന് കമ്പനി അറിയിച്ചു.

നിലവിൽ 2,999 രൂപയാണ് ഫോണിന്റെ വില. 2.4 ഇഞ്ച് വലിപ്പമുള്ള ഡിസ്‌പ്ലേയും കീബോര്‍ഡ് സ്‌പേസും ഫോണിനുണ്ട്. 512 എംപി റാം, 4 ജിബി ഇന്റേണല്‍ സ്റ്റോറേജാണ് ഫോണിനുള്ളത്. മൈക്രോ എസ്ഡി കാര്‍ഡ് ഉപയോഗിച്ച്‌ സ്‌റ്റോറേജ് 128 ജിബി വരെ വര്‍ധിപ്പിക്കാം, 2,000 എംഎഎച്ചാണ് ബാറ്ററി. രണ്ട് നാനോ സിമ്മുകളും ഫോണില്‍ ഉപയോഗിക്കാം. 2 എംപി റിയര്‍ ഫ്രണ്ട് ക്യാമറയാണ്.