റിലയന്‍സ് ജിയോ ജിഗാ ഫൈബര്‍ രജിസ്‌ട്രേഷന്‍ തുടങ്ങി
റിലയന്‍സ് ജിയോയുടെ അതിവേഗ ബ്രോഡ്ബാന്‍ഡായ ജിയോ ജിഗാഫൈബറിന്റെ രജിസ്‌ട്രേഷന്‍ തുടങ്ങി. മൈജിയോ ആപ് വഴിയും ജിയോ ഡോട്ട് കോം വഴിയും രജിസ്റ്റര്‍ ചെയ്യാം. രജിസ്‌ട്രേഷന്‍ സൗജന്യമായിരിക്കും. കൂടുതല്‍ പേര്‍ രജിസ്റ്റര്‍ ചെയ്യുന്ന 1100 നഗരങ്ങളിലാകും ജിഗാഫൈബറിന്റെ സേവനം ആദ്യഘട്ടത്തില്‍ നടപ്പിലാക്കുക. വൈഫൈ കവറേജ് ഐപി ടിവി, ഡിടുഎച് തുടങ്ങിയ സേവനങ്ങളും ഇതോടൊപ്പം ലഭിക്കും
വിലയെക്കുറിച്ച് ഔദ്യോഗിക പ്രഖ്യാപനങ്ങള്‍ ഒന്നും ഇതുവരെ ഉണ്ടായിട്ടില്ല. എന്നാല്‍ 500 മുതലുള്ള പ്ലാനുകള്‍ കമ്പനി അവതരിപ്പിക്കും. അങ്ങനെയെങ്കില്‍ നിലവിലുള്ള ബ്രോഡ്ബാന്‍ഡ് സേവങ്ങളുടെ നിരക്കിനേക്കാള്‍ 50 ശതമാനം കുറവായിരിക്കും റിലയന്‍സ് ഈടാക്കുന്നത്.
പദ്ധതി പൂര്‍ത്തിയാകുന്നതോടെ ആദ്യം ബുക്ക് ചെയ്തവര്‍ക്ക് മുന്‍ഗണനാ ക്രമത്തില്‍ സേവനം എത്തിക്കും. എന്നാല്‍ ഉപഭോക്താക്കളുടെ താമസ സ്ഥലത്തിനനുസരിച്ച് സേവനം ലഭ്യമായിത്തുടങ്ങുന്ന സമയത്തില്‍ വ്യത്യാസമുണ്ടാകും.
https://www.facebook.com/Malayalivartha
