ഓണ്‍ലൈന്‍ വഴി ഖാദി വസ്ത്രങ്ങള്‍ ലഭ്യമാക്കാന്‍ ആമസോണ്‍
ലോകത്തെ ഏറ്റവും വലിയ ഇ കൊമേഴ്‌സ് പ്ലാറ്റഫോമായ ആമസോണിലൂടെ ബിഹാറിലെ ഖാദി നെയ്ത്തുകാര്‍ ഉത്പാദിപ്പിക്കുന്ന വിവിധ തരം വസ്ത്രങ്ങള്‍ വാങ്ങാം. ഇതിനായി ആമസോണ്‍ ബിഹാറിലെ ഖാദി ആന്‍ഡ് വില്ലേജ് ഇന്‍ഡസ്ട്രീസ് ബോര്‍ഡുമായി കരാര്‍ ഒപ്പിട്ടു.
ഹാന്‍ഡ്‌ലൂം, ഹാന്‍ഡിക്രഫ്റ്റ് ഉത്പങ്ങള്‍ക്കായി ആമസോണിലെ പ്രത്യേക വിഭാഗമായ 'കല ഹാറ്റ്' വഴി ഇവ വാങ്ങാം. ഖാദി നെയ്ത്തുകാരുടെ 80 സൊസൈറ്റികള്‍ ഉത്പാദിപ്പിക്കുന്ന കുര്‍ത്ത, മുണ്ടുകള്‍, തോര്‍ത്തുകള്‍, പൈജാമ തുടങ്ങിയ വസ്ത്രങ്ങള്‍ ആമസോണ്‍ വഴി ഓണ്‍ലൈനായി വാങ്ങാം.
ഒരു വര്‍ഷം മുന്‍പ് ഉത്തര്‍പ്രദേശിലെ ഖാദി ബോര്‍ഡുമായി സമാനമായ കരാര്‍ ആമസോണ്‍ ഒപ്പു വച്ചിരുന്നു . ഈ കരാര്‍ പ്രകാരം വസ്ത്രങ്ങള്‍ക്ക് പുറമെ വീട്ടില്‍ ഉണ്ടാക്കുന്ന ഭക്ഷണവും ആമസോണില്‍ ലഭ്യമാക്കിയിരുന്നു. യുപിയില്‍ നെയ്ത്തുകാര്‍ക്ക് ആമസോണ്‍ ഇ കോമേഴ്‌സ് രംഗത്ത് പരിശീലനവും നല്‍കിയിരുന്നു .
https://www.facebook.com/Malayalivartha
